వినాయక విగ్రహాల నిమజ్జనాలకు రాజేంద్రనగర్ హనుమాన్ నగర్ పత్తి కుంట (వినాయక్ సాగర్)  సిద్ధం 

- 

రాజేంద్రనగర్ :

వినాయక నిమజ్జనోత్సవాల కు పత్తి కుంట సిద్ధమైంది. పత్తి కుంట వద్ద వినాయక కొలను  ముస్తాబు చేశారు.  చెరువు వద్ద రూ.  12 లక్షలతో శాశ్వత షెడ్డు నిర్మాణం ఏర్పాటు చేశారు.  షెడ్డు ను శనివారం రాజేంద్రనగర్ ఎమ్మెల్యే టి ప్రకాష్ గౌడ్, జోనల్  కమిషనర్ సోలిపేట శ్రీనివాస్ రెడ్డి, గణేష్ ఉత్సవ సమితి నాయకులతో  కలిసి  ప్రారంభించారు. భక్తులు,  అధికారులు నిలబడటానికి ప్రతి సంవత్సరం తాత్కాలిక టెంట్ లు , షామియానాలు వేసే చోట ఈ సంవత్సరం రూ. 12 లక్షలతో శాశ్వత షెడ్డు నిర్మాణం చేసినట్లు ఎమ్మెల్యే ప్రకాష్ గౌడ్,  జోనల్ కమిషనర్ సోలిపేట శ్రీనివాస్ రెడ్డి లు తెలిపారు.  పత్తి కుంట మంచినీటి చెరువని ఈ చెరువు లో ప్రతి సంవత్సరం వేలాది వినాయకుల నిమజ్జనాలు జరుగుతుంటాయని తెలిపారు. పత్తి కుంట వినాయక కొలను వద్ద విద్యుత్ దీపాలు,  క్రేన్ల ఏర్పాటు,  పారిశుద్ధ్య నిర్వహణ,  నిమజ్జనం జరిగే వినాయక ప్రతిమలను ఎప్పటికప్పుడు  తొలగించడం లాంటి కార్యక్రమాలను చేపట్టడం జరుగుతుందన్నారజరుపుకోవాలన్నారు. వినాయక చవితి, నిమజ్జోనోత్సవాలను ప్రజలు,  భక్తులు శాంతియుత వాతావరణంలో జరుపుకోవాలన్నారు. వినాయక నవరాత్రి ఉత్సవాలు ప్రశాంతంగా జరిగేటట్లు అన్ని శాఖల అధికారులు సమన్వయంతో పని చేయాలన్నారు. కార్యక్రమంలో రాజేంద్రనగర్ జోనల్ ఈఈ నరేందర్ గౌడ్,  గణేష్ ఉత్సవ సమితి ప్రతినిధి లు వై. శ్రీధర్ , సామా ఇంద్రపాల్ రెడ్డి,   బొక్క బాల్ రెడ్డి, ఎన్ మల్లారెడ్డి, పడమటి శ్రీధర్ రెడ్డి, ఎస్ విజయ్ కుమార్, పలుగుచెరువు మహేష్, రగడంపల్లి శ్రావణ్,  ఎన్ ధనుంజయ, ఈ వేణు గోపాల్,  పెండ్యాల సాయి మల్లిక్ తదితరులు పాల్గొన్నారు.