ఆధ్యాత్మిక చింతన అలవర్చుకోవాలి

Published On 09 Aug 2026 17:17:53

By Ram Reddy

గండిపేట్, ఆగస్టు 9 (లోకల్ గైడ్) :

ప్రతి ఒక్కరు దైవభక్తి తో ఆధ్యాత్మిక చింతన అలవర్చుకోవాలని మణికొండ బిఆర్ఎస్ పార్టీ అధ్యక్షుడు సీతారాం ధూళి పాళ ఆకాంక్షించారు. ఆదివారం మణికొండ, నేక్నంపూర్ పరిధిలోని ఉన్న పోచమ్మ, ఎల్లమ్మ, మైసమ్మ మహంకాళి దేవాలయంలో ఉన్న దేవతలకు ప్రత్యేక పూజలు చేసి బోనాలు సమర్పించారు. బోనాల జాతరలో పోతురాజుల, విన్యాసాలు, డబ్బు చప్పుళ్ళు, శివశక్తుల పూనకాలు ప్రత్యేకంగా ఆకర్షణీయంగా నిలిచాయి. ఈ సందర్భంగా ఆయన మాట్లాడుతూ.. గ్రామదేవతల ఆశీస్సులు ప్రతి ఒక్కరిపై ఉండాలని ఆయన ఆకాంక్షించారు. ఈ కార్యక్రమంలో బిఆర్ఎస్ పార్టీ నాయకులు, కార్యకర్తలు, మహిళలు తదితరులు పాల్గొన్నారు.