రాజీవ్ గృహకల్పలో ఘనంగా బోనాల సంబరాలు

- 

వికారాబాద్ ఆగస్టు 09 (లోకల్ గైడ్ ప్రతినిధి)

రాజీవ్ గృహకల్పలోనిలో ఆషాఢ మాస బోనాల పండుగ వేడుకలు అత్యంత వైభవంగా, భక్తిశ్రద్ధలతో నిర్వహించారు. దుర్గ మాత కమిటీ ఆధ్వర్యంలో నిర్వహించిన ఈ బోనాల ఉత్సవాలకు స్థానిక ప్రజలు పెద్ద సంఖ్యలో హాజరై అమ్మవారికి ప్రత్యేక పూజలు నిర్వహించి మొక్కులు చెల్లించుకున్నారు. మహిళలు సంప్రదాయబద్ధంగా అలంకరించిన బోనాలను నెత్తిన పెట్టుకుని అమ్మవారి ఆలయానికి చేరుకుని బోనాలు సమర్పించడంతో ప్రాంతమంతా ఆధ్యాత్మిక శోభను సంతరించుకుంది.ఆషాఢ మాసంలో తెలంగాణ ప్రజల ఆరాధ్య దైవమైన గ్రామదేవతలను భక్తిశ్రద్ధలతో కొలిచే సంప్రదాయంలో భాగంగా నిర్వహించిన ఈ వేడుకల్లో భక్తులు ప్రత్యేక పూజలు, అభిషేకాలు నిర్వహించారు. దుర్గ మాత అమ్మవారి ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో జీవించాలని, వర్షాలు సమృద్ధిగా కురిసి రాష్ట్రం సుభిక్షంగా ఉండాలని భక్తులు ప్రార్థించారు.బోనాల సందర్భంగా 20వార్డు రాజీవ్ గృహకల్పలో అంతగిరిపల్లి లో పరిసర ప్రాంతాలు పండుగ వాతావరణాన్ని తలపించాయి. మహిళలు సంప్రదాయ దుస్తుల్లో, బోనాలను అందంగా అలంకరించి తీసుకురావడంతో వేడుకలకు ప్రత్యేక ఆకర్షణ ఏర్పడింది. భక్తుల నామస్మరణలు, మంగళహారతులు, పూజా కార్యక్రమాలతో పరిసరాలు మార్మోగాయి. అమ్మవారి సేవలో పాల్గొన్న భక్తులు అత్యంత భక్తిశ్రద్ధలతో కార్యక్రమాలను నిర్వహించారు.దుర్గామాత కమిటీ ఆధ్వర్యంలో బోనాల ఉత్సవాలు ఎలాంటి లోటుపాట్లు లేకుండా ఘనంగా సాగాయి. ఉత్సవాల సందర్భంగా భక్తులకు అవసరమైన ఏర్పాట్లు చేస్తూ కమిటీ సభ్యులు ప్రత్యేక శ్రద్ధ వహించారు. స్థానిక ప్రజల సహకారంతో పండుగను సంప్రదాయబద్ధంగా ప్రశాంతవాతావరణంలో నిర్వహించారు.ఈ కార్యక్రమంలో 20 వార్డు మాజీ కౌన్సిలర్ జైదుపల్లి మురళి ఔసలి శ్రీనివాస్ చారి, సాకలి యాదయ్య రవి గౌడ్, టీచర్ రాములు, సాకలి అశోక్, కొత్త గడి నరేశ్,  సింటు,బ్రహ్మం యువరాజ్, సాయి,యూత్ సభ్యులు తదితరులు పాల్గొని అమ్మవారికి ప్రత్యేక పూజలు నిర్వహించారు. అనంతరం భక్తులతో కలిసి బోనాల వేడుకల్లో పాల్గొని పండుగ శుభాకాంక్షలు తెలిపారు.తెలంగాణ సంస్కృతికి ప్రతీక బోనాలు  సంస్కృతి, సంప్రదాయాలు, ఆధ్యాత్మిక విశ్వాసాలకు బోనాల పండుగ ప్రతీకగా నిలుస్తుందని బోనాల సంప్రదాయాన్ని కొనసాగిస్తూ యువత కూడా పాల్గొన్నారు.