కారేపల్లి, అక్టోబర్ 16 (లోకల్ గైడ్ న్యూస్):
మండలంలోని గేట్ కారేపల్లి గ్రామపంచాయతీ పరిధిలో బతుకమ్మ వేడుకలను ఘనంగా నిర్వహించారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను గ్రామ మహిళలు ఎంతో ఉత్సాహంగా, భక్తిశ్రద్ధలతో జరుపుకున్నారు. రంగురంగుల పూలతో బతుకమ్మలను అందంగా అలంకరించి, సంప్రదాయబద్ధంగా వేడుకల్లో పాల్గొని సందడి చేశారు. పండుగ సందర్భంగా గ్రామంలో పండుగ వాతావరణం నెలకొంది. ఈ కార్యక్రమంలో గ్రామ సర్పంచ్ పూసం ఎల్లయ్య, పంచాయతీ కార్యదర్శి కె. అనూష, ఉపసర్పంచ్ కందుల శ్రీనివాసరావు, పంచాయతీ వార్డు సభ్యులు, సిబ్బంది, గ్రామ మహిళలు, అంగన్‌వాడీ సిబ్బంది పాల్గొన్నారు. బతుకమ్మ పండుగ తెలంగాణ ఆడపడుచుల ఐక్యతకు, ప్రకృతి ఆరాధనకు ప్రతీకగా నిలుస్తుందని ఈ సందర్భంగా పేర్కొన్నారు. గ్రామీణ ప్రాంతాల్లో ఇలాంటి సంప్రదాయ వేడుకలను నిర్వహించడం ద్వారా తెలంగాణ సంస్కృతి, వారసత్వాన్ని భావితరాలకు అందించవచ్చని తెలిపారు. గ్రామ మహిళల భాగస్వామ్యంతో వేడుకలు ఉత్సాహంగా సాగాయి.
About The Author
