శ్రీవాణి జూనియర్ డిగ్రీ పిజి కళాశాల సుల్తానాబాద్ లో ఘనంగా బోనాలు, గోరింటాకు సంబరాలు

Published On 08 Aug 2026 17:07:28

By Ram Reddy

శ్రీవాణి జూనియర్ డిగ్రీ పిజి కళాశాల సుల్తానాబాద్ లో ఘనంగా బోనాలు, గోరింటాకు సంబరాలు

పెద్దపల్లి జిల్లా ప్రతినిధి ఆగస్ట్ 08 (లోకల్ గైడ్) సుల్తానాబాద్‌లోని శ్రీవాణి జూనియర్ డిగ్రీ, పిజి కళాశాలలో బోనాలుగోరింటాకు సంబరాలు అత్యంత వైభవంగా జరిగాయి. ఈ సంబరాల్లో విద్యార్థినులు, అధ్యాపకులు, సిబ్బంది పెద్ద సంఖ్యలో పాల్గొన్నారు.

కళాశాల ప్రాంగణం పండుగ వాతావరణాన్ని తలపించింది. విద్యార్థినులు రంగురంగుల దుస్తులు ధరించి, బోనాలను అలంకరించి తీసుకువచ్చారు. సంప్రదాయబద్ధంగా అమ్మవారికి బోనాలను సమర్పించి, ప్రత్యేక పూజలు నిర్వహించారు. ఈ సందర్భంగా నిర్వహించిన సాంస్కృతిక కార్యక్రమాలు అందరినీ ఆకట్టుకున్నాయి. విద్యార్థినులు జానపద నృత్యాలు, పాటలతో అలరించారు.గోరింటాకు సంబరాల్లో భాగంగా విద్యార్థినులు ఒకరి చేతికి ఒకరు గోరింటాకు పెట్టుకుని సందడి చేశారు. వివిధ రకాల డిజైన్లతో చేతులను అలంకరించుకుని ఆనందంగా గడిపారు.ఈ కార్యక్రమంలో కళాశాల సెక్రటరీ కరస్పాండెంట్ శశాంక సార్ మాట్లాడుతూ, మన సంస్కృతి, సంప్రదాయాలను భావితరాలకు అందించడం చాలా ముఖ్యమని అన్నారు. ఇటువంటి వేడుకలు విద్యార్థులలో సాంస్కృతిక స్ఫూర్తిని పెంపొందిస్తాయని పేర్కొన్నారు. ఈ కార్యక్రమంలో ప్రిన్సిపల్ బండారికమలాకర్ ,బాలసాని శ్రీనివాస్, అధ్యాపక బృందం విద్యార్థులు పాల్గొనడం జరిగింది.