సేవా కార్యక్రమాల్లో లయన్స్ క్లబ్‌లు

Published On 22 Aug 2026 19:01:52

By Ram Reddy

ఖమ్మం జిల్లా వైరా ఆగస్టు 22 : లోకల్ గైడ్:

లయన్స్ క్లబ్ ఆఫ్ వైరా, గ్రేట్ విజన్, అవని క్లబ్‌ల సంయుక్త ఆధ్వర్యంలో పేదలకు ఆర్థిక సహాయం అందించారు. వైరా బ్రాహ్మణపల్లికి చెందిన చిన్మయి రెడ్డికి విద్యా అవసరాల కోసం రూ.10 వేల ఆర్థిక సహాయం, గండగలపాడు గ్రామానికి చెందిన పూర్ణకాంటి లక్ష్మణుడికి వైద్య ఖర్చుల నిమిత్తం రూ.5 వేల ఆర్థిక సహాయాన్ని అందజేశారు.

ఈ కార్యక్రమానికి ముఖ్య అతిథిగా హాజరైన ఖమ్మం DCC హెల్త్ సెల్ చైర్మన్, లయన్ డాక్టర్ కాపా మురళీకృష్ణ మాట్లాడుతూ ప్రతి ఒక్కరూ సేవాభావాన్ని కలిగి ఉండాలని, అవసరాల్లో ఉన్న వారికి తమవంతు సహాయం అందించడం అభినందనీయమని అన్నారు.

కార్యక్రమంలో లయన్ ఉండ్రు శ్యాంబాబు, లయన్ నూకల వాసు, లయన్ ఉండ్రు వరలక్ష్మి, PSTలు కొల్లా రాంబాబు, ఉయ్యూరు రామకృష్ణ, గద్దె నీరజ, కొదుమూరి రవి, సుగ్గల మాధవి, జాలా పుల్లారావు, చెరుకూరి శ్రీనివాసరావు తదితరులు పాల్గొన్నారు.