వికారాబాద్ (లోకల్ గైడ్) జిల్లా బ్యూరో :
అనంతగిరి హిల్స్‌లోని హరిత రిసార్ట్‌లో 'అవంతిక కన్స్ట్రక్షన్స్' ఆధ్వర్యంలో నిర్వహించిన 5, 16, మరియు 32 కిలోమీటర్ల పరుగు పందెం పోటీలు అత్యంత ఉత్సాహభరితంగా సాగాయి. ఈ పోటీల్లో ప్రతిభ కనబరిచి విజేతలుగా నిలిచిన క్రీడాకారులను బీజేపీ నాయకులు ఘనంగా సత్కరించి, బహుమతులు అందజేశారు.
ఈ కార్యక్రమానికి బీజేపీ రాష్ట్ర మెడికల్ సెల్ కన్వీనర్, వికారాబాద్ జిల్లా మాజీ అధ్యక్షుడు డాక్టర్ కొప్పుల రాజశేఖర్ రెడ్డి, పార్టీ మాజీ అధ్యక్షులు సదానంద రెడ్డి, అమరేందర్ రెడ్డిలు ముఖ్య అతిథులుగా హాజరయ్యారు.
ఈ సందర్భంగా వారు మాట్లాడుతూ... క్రీడలు శారీరక దృఢత్వానికే కాకుండా మానసిక ఉల్లాసానికి ఎంతో దోహదపడతాయని తెలిపారు. విజేతలుగా నిలిచిన క్రీడాకారులకు శుభాకాంక్షలు తెలియజేస్తూ, ఇలాంటి క్రీడా పోటీలను నిర్వహించిన 'అవంతిక కన్స్ట్రక్షన్స్' నిర్వహకులను అభినందించారు.
ఈ కార్యక్రమంలో సీనియర్ నాయకులు సుధాకర్ ఆచారి, జిల్లా కార్యదర్శి ఎర్రోళ్ల లక్ష్మయ్య, సోషల్ మీడియా ఇన్‌చార్జ్ రాఘవేందర్, మీడియా ఇన్‌చార్జ్ మోహన్ రెడ్డి, ఎండోమెంట్ సెల్ కన్వీనర్ ప్రవీణ్ రెడ్డి తదితరులు పాల్గొన్నారు.
About The Author
