మల్లారెడ్డి పల్లి పీఏసీఎస్ చైర్మన్ గా బయ్యగోని కుమారస్వామి ప్రమాణ స్వీకారం.

హనుమకొండ జిల్లా ప్రతినిధి,సెప్టెంబర్
(లోకల్ గైడ్ న్యూస్)

హసన్ పర్తి మండలం మల్లారెడ్డి పల్లి ప్రాథమిక వ్యవసాయ సహకార సంఘం (పి ఎ సి ఎస్) నూతన ఛైర్మన్, పాలకవర్గ సభ్యుల ప్రమాణ స్వీకారోత్సవ కార్యక్రమం అంగరంగ వైభవంగా జరిగింది. ఈ కార్యక్రమానికి ముఖ్య అతిథులుగా హనుమకొండ జిల్లా కాంగ్రెస్ కమిటీ అధ్యక్షులు ఇనగాల వెంకట్రామ్ రెడ్డి హాజరయ్యారు.
ఈ సందర్భంగా నూతనంగా పదవీ బాధ్యతలు స్వీకరించిన పిఎసిఎస్ ఛైర్మన్ బయ్యగోని కుమారస్వామి, పాలకవర్గ  సభ్యులందరికీ డీసీసీ అధ్యక్షులు ఇనగాల శాలువాలు కప్పి, పుష్పగుచ్ఛాలు అందించి ఘనంగా సత్కరించి తమ హృదయపూర్వక శుభాకాంక్షలు తెలియజేశారు.ఈ సందర్భంగా డీసీసీ అధ్యక్షులు ఇనగాల వెంకట్రామ్ రెడ్డి మాట్లాడుతూ తెలంగాణలోని మన కాంగ్రెస్ ప్రభుత్వం పూర్తిగా రైతు పక్షపాత ప్రభుత్వమని, ముఖ్యమంత్రి రేవంత్ రెడ్డి నేతృత్వంలో రైతు సంక్షేమమే ధ్యేయంగా ప్రభుత్వం పనిచేస్తోందన్నారు. వ్యవసాయ రంగంలో సహకార సంఘాల పాత్ర అత్యంత కీలకమైనదని గుర్తు చేశారు. నూతనంగా ఎన్నికైన ఛైర్మన్ బయ్యగోని కుమారస్వామి  నేతృత్వంలోని పాలకవర్గం మల్లారెడ్డి పల్లి పరిధిలోని ప్రతి రైతుకూ సకాలంలో రుణాలు, ఎరువులు అందేలా చూస్తూ, రైతులకు నమ్మకమైన వేదికగా నిలవాలన్నారు. క్షేత్రస్థాయిలో రైతుల సమస్యలను గుర్తించి, వాటి పరిష్కారానికి నిరంతరం కృషి చేయాలని పిలుపునిచ్చారు. 
ఈ సందర్భంగా నూతనంగా చైర్మన్ గా పదవీ బాధ్యతలు స్వీకరించిన బయ్యగోని కుమారస్వామి మాట్లాడుతూ రైతులకు అందుబాటులో ఉండి, రైతులకు అన్నిరకాల సౌకర్యాలు పీఏసీఎస్ నుండి ఏర్పాటు చేస్తామని తెలిపారు.ఈ కార్యక్రమంలో నూతనంగా ఎన్నికైన డైరెక్టర్లు, సహకార శాఖ అధికారులు, కాంగ్రెస్ పార్టీ సీనియర్ నాయకులు, ప్రజాప్రతినిధులు హసన్‌పర్తి మండల కాంగ్రెస్ నాయకులు మండలం పరిధిలోని రైతులు, కాంగ్రెస్ శ్రేణులు పాల్గొన్నారు.