వికారాబాద్ - శంకర్పల్లి మార్గంలో దట్టమైన పొగమంచు: వాహనదారుల తీవ్ర అవస్థలు

వికారాబాద్ పరిసర ప్రాంతాల్లో చలి తీవ్రతతో పాటు పొగమంచు ప్రభావం రోజురోజుకూ పెరుగుతోంది. ముఖ్యంగా వికారాబాద్ నుండి శంకర్పల్లి వెళ్లే ప్రధాన రహదారిపై ఉదయాన్నే దట్టమైన పొగమంచు అలముకోవడంతో వాహనదారులు, ప్రయాణికులు తీవ్ర ఇబ్బందులు ఎదుర్కొంటున్నారు.వికారాబాద్ నుండి 
ఏక్‌మామిడి, నవాబ్‌పేట ప్రాంతాల్లో కనిపించని రహదారులు
ఈ మార్గంలో ఉన్న ఏక్‌మామిడి, నవాబ్‌పేట పరిసర ప్రాంతాలలో పొగమంచు తీవ్రత అత్యధికంగా ఉంది. రహదారిపై కొన్ని మీటర్ల దూరంలో ఉన్న వాహనాలు కూడా కనిపించనంతగా పొగమంచు కమ్మేసింది. దీనివల్ల నిత్యం ఈ మార్గంలో ప్రయాణించే ఉద్యోగులు, పాఠశాలలు, కళాశాలలకు వెళ్లే విద్యార్థులు, పాలు, కూరగాయల వ్యాపారులు తీవ్ర అవస్థలు పడుతున్నారు.
లైట్లు ఆన్ చేసి నెమ్మదిగా ప్రయాణం
మార్గమధ్యంలో దృష్టి  గణనీయంగా తగ్గిపోవడంతో వాహనదారులు తమ వాహనాల హెడ్‌లైట్లు, ఫాగ్ లైట్లు, విపత్తు సూచిక (హాజార్డ్) లైట్లను ఆన్ చేసుకుని అత్యంత జాగ్రత్తగా, నెమ్మదిగా ప్రయాణించాల్సి వస్తోంది. ఎదురుగా వచ్చే వాహనాలను గుర్తించడం కష్టంగా మారడంతో వేగాన్ని తగ్గించి వాహనాలను నడుపుతున్నారు.
జాగ్రత్తలు పాటించాలని అధికారుల సూచన
పొగమంచు తీవ్రత దృష్ట్యా ఈ మార్గంలో ప్రయాణించే వాహనదారులు తగిన ముందస్తు జాగ్రత్తలు తీసుకోవాలని స్థానిక అధికారులు పోలీసులు సూచిస్తున్నారు.