క్రైస్తవ మహిళలపై దాడి చేసిన వారిపై చర్యలు తీసుకోవాలి.

ఇద్దరు  క్రైస్తవ మహిళలను అతి దారుణం కొట్టి హింసించడం దుర్మార్గమైన చర్య అని వారిని  కఠినంగా శిక్షించాలని  యూడి సి ఎఫ్ జిల్లా అధ్యక్షురాలు పాస్టరమ్మ  వంగూరి జయమ్మ( దేబోరా ) అన్నారు.   పట్టణంలోని గడియారం సెంటర్లో గల బాప్టిస్ట్ చర్చిలో  యూడీసీఫ్ జిల్లా అధ్యక్షుడు డి. ఐ శాంసన్ , ప్రధాన కార్యదర్శి పెదమాము డేవిడ్ రాజు ఆధ్వర్యంలో యూడీసీఫ్ జిల్లా మహిళ నూతన కమిటీ ని ఎన్నుకున్నారు. జిల్లా అధ్యక్షురాలుగా పాస్టరమ్మ  వంగూరి జయమ్మ( దేబోరా ) కమిటీ సభ్యులుగా శృతి , శైలజ , రుతమ్మ , వెంకటమ్మ , రాజకుమారి , వరలక్ష్మి , నాగేంద్ర , నాగమణి , విజయరాణి, నాగమణి , లిడియా ను ప్రకటించారు. అనంతరం ఏర్పాటు చేసిన విలేకరుల సమావేశంలో నూతన మహిళా అధ్యక్షురాలు పాస్టరమ్మ  వంగూరి జయమ్మ( దేబోరా ) మాట్లాడుతూ తమపై నమ్మకంతో తనను అధ్యక్షురాలుగా ఎన్నుకున్నందుకు ప్రతి ఒక్కరికి ధన్యవాదాలు తెలియజేస్తూ  సంఘ  బలోపేతానికి కృషి చేస్తూ  క్రైస్తవ సమాజ అభివృద్ధి కై నిరంతరం కృషి చేస్తానని పేర్కొన్నారు.హైదరాబాదులోని  అల్మస్ గూడ లో ఇద్దరు మహిళలపై మత ప్రచారం చేస్తున్నారన్నా  నెపంతో అతి దారుణం కొట్టి హింసించడం దుర్మార్గమైన చర్య అన్నారు.  మహిళల ని చూడకుండా దుర్భాషలాడుతూ దాడి చేయడం హేయమైన చర్య అని ఇలాంటి దాడులకు పాల్పడిన వారిపై  ప్రభుత్వం తక్షణమే కఠిన చర్యలు తీసుకోవాలని డిమాండ్ చేశారు. అదేవిధంగా 
క్రైస్తవులకు చట్టపరమైన రక్షణ కల్పించి భవిష్యత్తులో ఇలాంటి ఘటనలు చోటు చేసుకోకుండా ప్రత్యేక చర్యలు తీసుకోవాలని కోరారు.ఈ కార్యక్రమంలో  క్రైస్తవ నాయకులు అజార్య నాయక్, ఏపీ.ప్రభాకర్, చంద్ర పాల్, లింగ రెడ్డి, లాజర్, యోహాను, లూకాస్, యాకీన్ తదితరులు పాల్గొన్నారు.