కాటారం, లోకల్ గైడ్,
భూపాలపల్లి జిల్లా కాటారం గ్రామపంచాయతీ మాజీ సర్పంచ్ కొర్ర మనోహర్ నాయక్ ఇటీవల అకాల మరణం చెందడం పట్ల కాటారం గ్రామ ఉపాధి హామీ కూలీలు తీవ్ర దిగ్భ్రాంతి, సంతాపం వ్యక్తం చేశారు.
సోమవారం ఉపాధి హామీ పనుల ప్రదేశంలో ఉపాధి కూలీలందరూ ఒకచోట చేరి ఆయన మృతికి సంతాపంగా ఒక నిమిషం పాటు మౌనం పాటించి, ఆయన ఆత్మకు శాంతి చేకూరాలని, వారి కుటుంబానికి మనోధైర్యం ప్రసాదించాలని భగవంతుని ప్రార్థించారు.
ఈ సందర్భంగా కొట్టే శ్రీహరి మాట్లాడుతూ.. మనోహర్ నాయక్ తన సర్పంచ్ పదవీ కాలంలో గ్రామ అభివృద్ధికి అహర్నిశలు కృషి చేశారన్నారు. ముఖ్యంగా పేద ప్రజల సంక్షేమం కోసం, గ్రామంలో మౌలిక వసతుల కల్పన కోసం ఆయన చేసిన కృషి ఎనలేనిదని కొనియాడారు. ఆయన అందరితో కలుపుగోలుగా, ఆప్యాయంగా ఉండేవారని, అందరికీ అందుబాటులో ఉండే నాయకుడని గుర్తు చేసుకున్నారు. ఆయన మరణం గ్రామానికి, కుటుంబానికి తీరని లోటని ఆవేదన వ్యక్తం చేశారు.
ఈ సంతాప కార్యక్రమంలో కొట్టే శ్రీహరి, చీమల సత్యం, తోట కిట్టయ్య, పల్నాటి మల్లేష్, కొట్టే జనార్ధన్, ఆడవాళ్ళ రాజయ్య, దేవేందర్, ఉపాధి హామీ ఫీల్డ్ అసిస్టెంట్ తో పాటు సుమారు 150 మంది ఉపాధి హామీ కూలీలు పాల్గొన్నారు,
.jpeg)
.jpeg)