_సరితకు ఆపన్నహస్తం.. మానవత్వం అండగా నిలవాలి!

కుత్బుల్లాపూర్ ఆగస్టు 09( లోకల్ గైడ్ ప్రతినిధి)

ఆమె పేరు సరిత. వయసులో చిన్నదే అయినా.. జీవితంలో ఎదురైన కష్టాలు మాత్రం ఎంతో పెద్దవి. ఆరేళ్లుగా రెండు కిడ్నీలు పనిచేయకపోవడంతో డయాలసిస్‌పై ఆధారపడి జీవిస్తున్న ఆమెకు ఇటీవల ఎట్టకేలకు ఓ కొత్త ఆశ లభించింది. హైదరాబాద్‌లోని నిమ్స్ ఆసుపత్రిలో కిడ్నీ మార్పిడి చేయించుకునే అవకాశం వచ్చింది. ఒక దాత ద్వారా కిడ్నీ లభించడంతో వైద్యులు విజయవంతంగా శస్త్రచికిత్స చేసి కిడ్నీని అమర్చారు.కానీ కిడ్నీ మార్పిడి జరిగిందనే ఆనందం కన్నా, ఇక ముందు చికిత్స ఎలా కొనసాగించాలి? ఖరీదైన మందులు, ఆసుపత్రి ఖర్చులు ఎలా భరించాలి? అనే ఆందోళనే కుటుంబాన్ని వెంటాడుతోంది. వైద్యుల పర్యవేక్షణలో మరో మూడు నెలల పాటు ఆసుపత్రిలో ఉండాల్సిన పరిస్థితి ఉండటంతో భారీగా ఖర్చు అవుతుందని వైద్యులు సూచించారు. మొత్తం చికిత్స, మందులు, ఇతర అవసరాల కోసం సుమారు రూ.10 లక్షల వరకు అవసరం ఉందని కుటుంబ సభ్యులు చెబుతున్నారు.
అప్పరాల నుంచి హైదరాబాద్ వరకు.. సరిత పోరాటం
వనపర్తి జిల్లా కొత్తకోట మండలం అప్పరాల గ్రామానికి చెందిన తెలుగు బాల్రామ్, నాగమణెమ్మ దంపతులకు ఐదుగురు కుమార్తెలు. తమ పిల్లలను అల్లారుముద్దుగా పెంచిన తల్లిదండ్రులు వారికి చదువు చెప్పించారు. ఇద్దరు కుమార్తెలకు వివాహాలు జరిపించి అత్తారింటికి పంపించారు. మరో ముగ్గురుకుమార్తెలుచదువుకుంటూ ఉన్న సమయంలో ఆ కుటుంబంపై అనుకోని విషాదం విరుచుకుపడింది.2021 ఫిబ్రవరిలో చేపల వేటకు వెళ్లిన బాల్రామ్‌కు వల చుట్టుకోవడంతో నీటిలో మునిగి మృతి చెందారు. దీంతో కుటుంబానికి పెద్ద దిక్కును కోల్పోయిన నాగమణెమ్మపై కుటుంబ బాధ్యత మొత్తం పడింది.భర్తను కోల్పోయిన కొద్దికాలానికే మరో పిడుగులాంటి వార్త ఆ కుటుంబాన్ని కుదిపేసింది.
ఇంటర్మీడియట్ చదువుతున్న సమయంలోనే..
2021 ఆగస్టులో, ఇంటర్మీడియట్ చదువుతున్న సరిత అనారోగ్యానికి గురైంది. ఆమెను ఆసుపత్రికి తీసుకెళ్లగా వైద్యులు పరీక్షలు నిర్వహించి రెండు మూత్రపిండాలు దెబ్బతిన్నాయని తెలిపారు.ఒక్కసారిగా ఆ కుటుంబ జీవితం తలకిందులైంది.ఒకవైపు భర్తను కోల్పోయిన బాధ.. మరోవైపు చదువుకోవాల్సిన వయసులో కుమార్తెకు తీవ్రమైన అనారోగ్యం.. చేతిలో సరిపడా డబ్బు లేకపోవడం.. అయినా తల్లి నాగమణెమ్మ మాత్రం కూతురిని కాపాడుకోవాలనే పట్టుదలతో అప్పులు, దాతల సహాయం, అందుబాటులో ఉన్న వనరులతో చికిత్స కొనసాగించింది.సరితను జీవన్‌దాన్ ట్రస్ట్‌లో కిడ్నీ కోసం రిజిస్టర్ చేయించారు. అప్పటి నుంచి డయాలసిస్ చేస్తూ జీవనాన్ని కొనసాగిస్తోంది. వారానికి రెండు రోజుల పాటు డయాలసిస్ చేయించుకుంటూ ఎన్నో బాధలను భరించింది.‘అమ్మా.. నన్ను బతికించు’ అనే వేడుకోలుసరిత పరిస్థితిపై పత్రికలు, మీడియా కథనాలు ప్రచురించడంతో విషయం పలువురి దృష్టికి వెళ్లింది.‘అమ్మా.. నన్ను బతికించు’ అనే శీర్షికతో వచ్చిన కథనం పలువురిని కదిలించింది. అనంతరం ‘సరితను బతికించండి’ అంటూ ప్రసారమైన కథనాలకు కూడా దాతలు స్పందించారు.ఆమెకు కిడ్నీ మార్పిడి చేయాల్సిన పరిస్థితి ఉందని, కుటుంబ ఆర్థిక పరిస్థితి సహకరించడం లేదని తెలుసుకున్న పలువురు దాతలు తమ వంతు సహాయాన్ని అందించడం ప్రారంభించారు.
చివరకు దొరికిన కిడ్నీ.. కొత్త జీవితానికి అడుగు
సుమారు పదిహేను రోజుల క్రితం నిమ్స్ ఆసుపత్రి నుంచి వైద్యులు కుటుంబ సభ్యులకు ఫోన్ చేసి ఆసుపత్రికి రావాలని సూచించినట్లు కుటుంబ సభ్యులు తెలిపారు. అయితే అప్పట్లో ఆర్థిక ఇబ్బందుల కారణంగా వెంటనే వెళ్లలేకపోయారు.తర్వాత మరో అవకాశం రావడంతో ఆసుపత్రికి వెళ్లారు. వైద్యులు పరీక్షలు నిర్వహించి కిడ్నీ మార్పిడికి అవసరమైన ప్రక్రియను ప్రారంభించారు.దేవుని దయతో ఒక కిడ్నీ దాత లభించడంతో సరితకు శస్త్రచికిత్స నిర్వహించి విజయవంతంగా కిడ్నీని అమర్చారు.ఆరేళ్లుగా డయాలసిస్‌తో సాగిన పోరాటంలో ఇదొక కీలక మలుపు.కానీ పోరాటం ఇంకా ముగియలేదు..
కిడ్నీ మార్పిడి జరిగిందని ఊపిరి పీల్చుకునేలోపే కుటుంబానికి మరో ఆందోళన ఎదురైంది.
కిడ్నీ మార్పిడి అనంతరం శరీరం కొత్త కిడ్నీని తిరస్కరించకుండా ఉండేందుకు ఖరీదైన మందులు, నిరంతర వైద్య పర్యవేక్షణ అవసరం. సరిత ప్రస్తుతం సుమారు మూడు నెలల పాటు వైద్యుల పర్యవేక్షణలో ఉండాల్సిన పరిస్థితి ఉందని కుటుంబ సభ్యులు చెబుతున్నారు.మందులు, వైద్య పరీక్షలు, ఆసుపత్రి ఖర్చులు, ఇతర అవసరాలకు భారీగా డబ్బు అవసరం. సుమారు రూ.10 లక్షల వరకు ఖర్చు అవుతుందని కుటుంబం అంచనా వేస్తోంది.ఇప్పటికే ఆర్థికంగా తీవ్ర ఇబ్బందుల్లో ఉన్న నాగమణెమ్మకు ఈ మొత్తం ఎక్కడి నుంచి సమకూర్చుకోవాలో తెలియని పరిస్థితి.
దాతల స్పందన.. క్రమంగా పెరుగుతున్న చేయూత
సరిత పరిస్థితిపై వచ్చిన కథనాలకు స్పందించిన పలువురు దాతలు ఇప్పటికే ఆర్థిక సహాయం అందించారు.ఏపీలోని ప్రకాశం జిల్లాకు చెందిన శ్రీ సాయిరాం ట్రస్ట్ నిర్వాహకులు రూ.5 వేలు, రాజమండ్రికి చెందిన వాసుదేవరావు రూ.5 వేలు, మరో దాత మహాకుమార్ రూ.18 వేలు అందించినట్లు కుటుంబ సభ్యులు తెలిపారు.అదేవిధంగా కొత్తకోట మహిళా సమాఖ్య ఏపీఎం శ్రీనివాసులు, బుక్కోపర్స్ కలిసి రూ.13 వేలు అందించారు. మదనాపురం కృషి విజ్ఞాన కేంద్రం శాస్త్రవేత్తలు సురేష్ కుమార్, సదానందం రూ.5 వేలు, కె.రాములు రూ.2 వేలు, సురేష్ గౌడ్ రూ.1,000, రాజు రూ.1,000, రాము రూ.1,000తో పాటు ఆనంద్ కుమార్, ముక్తార్, రఘురాముడు, శ్రీలక్ష్మి తదితరులు తమ వంతు సాయం అందించారు.
దాతల ద్వారా ఇప్పటివరకు సుమారు రూ.48 వేల వరకు నగదు సహాయం అందినట్లు వివరించారు.
ఈ సహాయం కుటుంబానికి ఎంతో ఊరటనిచ్చినా, ముందున్న వైద్య ఖర్చులతో పోలిస్తే ఇంకా భారీ మొత్తం అవసరమవుతోంది.సరిత కోసం మరోసారి ముందుకొచ్చిన డాక్టర్ మణి మణి ఆనంద్ కుమార్
సరిత కుటుంబానికి ఇలాంటి కష్టకాలంలో మానవతా దృక్పథంతో అండగా నిలిచిన వారిలో డాక్టర్ మణి మణి ఆనంద్ కుమార్, మహబూబ్‌నగర్, తెలంగాణకు చెందిన శ్రీ లక్ష్మీనారాయణ స్వచ్ఛంద సేవా సంస్థ వ్యవస్థాపక అధ్యక్షుడు కూడా ఉన్నారు.
రక్తదాతగా, అన్నదాతగా, సామాజిక సేవా కార్యకర్తగా పలు సేవా కార్యక్రమాలు నిర్వహిస్తున్న డాక్టర్ మనిమణి ఆనంద్ కుమార్‌కు సరిత కుటుంబ పరిస్థితి గతంలోనే తెలిసింది. 2022లోనే సరిత అనారోగ్య సమస్య తన దృష్టికి వచ్చిందని, అప్పట్లో బంధువులు, మిత్రులు, స్వచ్ఛంద సేవా సంస్థల సహకారంతో తాను కూడా భాగస్వామిగా నిలిచి సుమారు రూ.లక్ష వరకు వైద్య ఖర్చుల కోసం సహాయం అందించినట్లు తెలిపారు.ఇప్పుడు సరితకు కిడ్నీ మార్పిడి జరిగి, ఆమె జీవితానికి కొత్త అవకాశం వచ్చిన నేపథ్యంలో మరోసారి సమాజం ముందుకు రావాలని ఆయన విజ్ఞప్తి చేస్తున్నారు.“మన చిన్న సహాయం.. ఆమె ప్రపంచాన్ని మార్చగలదు”డాక్టర్ మణి మణి ఆనంద్ కుమార్ మాట్లాడుతూ..“మనకు ప్రతిరోజూ ఎన్నో ఖర్చులు ఉంటాయి. మన జీవితంలో చిన్న మొత్తంగా కనిపించే సహాయం, సరితలాంటి వారికి మాత్రం జీవితాన్ని నిలబెట్టే అండగా మారుతుంది. మనం చేసే చిన్న సహాయంతో ప్రపంచం మొత్తం మారకపోవచ్చు. కానీ సహాయం పొందిన వారి ప్రపంచం మాత్రం కచ్చితంగా మారుతుంది. వారి కళ్లల్లో కనిపించే ఆనందం మనకు ఎంతో సంతృప్తిని ఇస్తుంది” అని పేర్కొన్నారు.
సరిత చికిత్స కోసం ప్రతి ఒక్కరూ తమకు తోచినంత సహాయం చేయాలని ఆయన కోరారు.“నేను కూడా ఈ సేవా కార్యక్రమంలో భాగస్వామిగా ఉండి నాకు తోచిన సహాయం చేస్తాను. మీరు కూడా భాగస్వాములై ఆ అమ్మాయి నిండు జీవితాన్ని కాపాడేందుకు ముందుకు రండి. ఒకరి ప్రాణాన్ని కాపాడటం కంటే గొప్ప మానవ సేవ మరొకటి లేదు” అని ఆయన విజ్ఞప్తి చేశారు.
తల్లి కళ్లలో ఒక్కటే ఆశ..సరిత తల్లి నాగమణెమ్మ కళ్లలో ఇప్పుడు ఒక్కటే ఆశ ఉంది — తన కూతురు ఆరోగ్యంగా ఇంటికి తిరిగి రావాలి.భర్తను కోల్పోయి కుటుంబాన్ని నడిపిస్తూ, కుమార్తె అనారోగ్యంతో ఆరేళ్లుగా పోరాడుతూ వచ్చిన ఆమెకు ఇప్పుడు సమాజం నుంచి లభించే ప్రతి చేయూత ఎంతో విలువైనది.కిడ్నీ మార్పిడి జరిగి సరిత జీవితంలో కొత్త అధ్యాయం మొదలైంది. అయితే ఆ అధ్యాయం సాఫీగా కొనసాగాలంటే ప్రస్తుతం సమాజం చేయూత అవసరం.
ముందుకు రావాల్సిన సమయం ఇదే..సరిత కథ కేవలం ఒక కుటుంబం ఎదుర్కొంటున్న కష్టగాథ మాత్రమే కాదు. కష్టాల్లో ఉన్న ఒక మనిషికి సమాజం ఎలా అండగా నిలబడగలదో చూపించే మానవీయ కథ.
ఆరేళ్లుగా డయాలసిస్‌తో పోరాడిన సరితకు చివరకు కిడ్నీ దొరికింది. వైద్యులు విజయవంతంగా కిడ్నీని అమర్చారు. ఇప్పుడు ఆమెకు కావాల్సింది మందులు, వైద్య పర్యవేక్షణ, ఆర్థిక భరోసా.రూ.10 లక్షల వరకు అవసరమని చెబుతున్న ఈ కుటుంబానికి ఒక్కరి వల్ల మొత్తం భారం మోయడం కష్టమే. కానీ వంద మంది ఒక్కో చేయి అందిస్తే.. ఆ కుటుంబానికి భారీ అండ లభిస్తుంది.అందుకే దాతలు, స్వచ్ఛంద సంస్థలు, సేవా సంఘాలు, వ్యాపారవేత్తలు, ప్రజాప్రతినిధులు, మానవతావాదులు తమకు తోచినంత సహాయం చేసి సరిత జీవితాన్ని నిలబెట్టాలని విజ్ఞప్తి.ఒక కిడ్నీ ఆమెకు జీవితం ఇచ్చింది..ఇప్పుడు మన చేయూత ఆమె జీవితాన్ని నిలబెట్టాలి.“సరితబ్రతకాలనికోరుకుంటోంది..
ఆమె తల్లి తన కూతురిని ఆరోగ్యంగా చూడాలని కోరుకుంటోంది..మనమంతా కలిసి ఆ తల్లి కలను నిజం చేద్దాం.”మానవత్వమే మహా దానంసరిత కోసం ఇప్పటికే స్పందించిన ప్రతి దాతకు, స్వచ్ఛంద సంస్థలకు, మీడియా సంస్థలకు, సామాజిక సేవా కార్యకర్తలకు కుటుంబ సభ్యులు కృతజ్ఞతలు తెలిపారు. మరింత మంది దాతలు ముందుకు వచ్చి ఈ సేవా కార్యక్రమంలో భాగస్వాములు కావాలని కోరుతున్నారు.డా.మణిమణి ఆనంద్ కుమార్ వంటి సేవా కార్యకర్తలు ముందుకు వచ్చి చేస్తున్న సహకారం మరింత మందికి స్ఫూర్తిగా నిలవాలని, సరిత పూర్తిగా కోలుకుని ఆరోగ్యంగా తన కుటుంబంతో కలిసి సాధారణ జీవితాన్ని గడపాలని ప్రతి ఒక్కరూ ఆకాంక్షిస్తున్నారు.ఒక చిన్న సహాయం.. ఒక పెద్ద ఆశ.
ఒక చేయూత.. ఒక నిండు జీవితం.సరితను కాపాడుదాం.. మానవత్వాన్ని చాటుదాం. సంప్రదించాల్సిన వారు ఈ నెంబర్ కి డయల్ చెయ్యగలరు ఫోన్ 9014956080 దాతలు సహాయం అందించవలసిందిగా సరిత కుటుంబ సభ్యులు వేడుకుంటున్నారు నిమ్స్ హాస్పటల్ పంజాగుట్ట హైదరాబాద్. 9014956080