_రవీంద్రభారతిలో ఘనంగా ‘మంజీరానందం’ రాష్ట్ర మీడియా అక్రిడిటేషన్ కమిటీ సభ్యుడు కె.వి. _రమణారావు ఆధ్వర్యంలో వైభవంగా సాంస్కృతిక వేడుక

కళలు, సంస్కృతిని పరిరక్షిస్తూ యువ కళాకారులను ప్రోత్సహించాలనేలక్ష్యంతోనిర్వహించినమంజీరానందం’ సాంస్కృతిక కార్యక్రమం రవీంద్రభారతిలో ఘనంగా జరిగింది. తెలంగాణ ప్రభుత్వ భాషా, సాంస్కృతిక శాఖ సహకారంతో శివపార్వతి నాట్య అకాడమీఆధ్వర్యంలో గురువారం సాయంత్రం రవీంద్రభారతి మెయిన్ హాల్‌లో ఈ కార్యక్రమాన్ని వైభవంగా నిర్వహించారు.తెలంగాణ ప్రభుత్వ రాష్ట్ర మీడియా అక్రిడిటేషన్ కమిటీ సభ్యుడు కె.వి. రమణారావుఆధ్వర్యంలోజరిగినఈకార్యక్రమానికి అకాడమీ వ్యవస్థాపకుడు, డైరెక్టర్ చెట్టి నాగశేఖర్ నేతృత్వం వహించారు. కార్యక్రమానికి పలువురు ప్రముఖులు,కళాకారులు,నృత్యగురువులు,కొరియోగ్రాఫర్లు, సాంస్కృతిక రంగానికి చెందిన ప్రతినిధులు హాజరయ్యారు.సంప్రదాయ కళలకు ప్రోత్సాహం
‘మంజీరానందం’లో భాగంగా చిన్నారులు, యువ కళాకారులు ప్రదర్శించిన వివిధ నృత్య రూపాలు ప్రేక్షకులను విశేషంగా ఆకట్టుకున్నాయి. శాస్త్రీయ, జానపద, ఆధునిక నృత్యాలను సమన్వయం చేస్తూ కళాకారులు అద్భుతమైన ప్రదర్శనలు ఇచ్చారు. హావభావాలు, లయబద్ధమైన నృత్య విన్యాసాలు, సంగీతం, రంగురంగుల వస్త్రధారణ ప్రేక్షకులను అలరించాయి.ప్రతి నృత్య ప్రదర్శనకు ప్రేక్షకుల నుంచి విశేష స్పందన లభించింది. కళాకారుల ప్రతిభను అభినందిస్తూ చప్పట్లతో ప్రోత్సహించారు. నృత్యం, సంగీతం, నాటక కళల సమ్మేళనంతో కార్యక్రమం ఆద్యంతం ఉత్సాహభరితంగా సాగింది.
ప్రముఖుల హాజరుకార్యక్రమానికి తెలంగాణ భాషా, సాంస్కృతిక శాఖ డైరెక్టర్ ఎనుగు నరసింహారెడ్డి, డాక్టర్ ఆర్. ప్రసన్న రాణి, మాజీ జిహెచ్ఎంసి కార్పొరేటర్ దేదీప్యా రావు తదితరులు ముఖ్య అతిథులుగా హాజరయ్యారు.టీవీ, సినీ రంగానికి చెందిన ప్రముఖ కొరియోగ్రాఫర్లు హరినాథ్ రెడ్డి, సత్య మాస్టర్, డా. శ్రీకాంత్ గౌడ్ తదితరులు పాల్గొని కళాకారులను అభినందించారు.ఈ సందర్భంగా ముఖ్య అతిథులు మాట్లాడుతూ కళలు, సంస్కృతి సమాజానికి జీవనాడి వంటివని అన్నారు. ఆధునిక కాలంలోనూ మన సంప్రదాయ కళలను కాపాడి భావితరాలకు అందించాల్సిన బాధ్యత ప్రతి ఒక్కరిపై ఉందని పేర్కొన్నారు. ఇలాంటి కార్యక్రమాలు యువతలో కళల పట్ల ఆసక్తిని పెంచడంతో పాటు వారి ప్రతిభను వెలికితీసేందుకు ఎంతో దోహదపడతాయని అన్నారు.
ప్రముఖ డ్యాన్స్ మాస్టర్ల సహకారంమంజీరానందం’ కార్యక్రమానికి డ్యాన్స్ మాస్టర్లు గణేష్ మాస్టర్, డా. ఎన్. రవి కుమార్, జ్యోత్స్నా వాసంశెట్టి (డి ఫర్ డ్యాన్స్ ఫౌండర్), ఈశ్వర్ సమల్, ఆకుల వినోద్ కుమార్, ఎ.కె. శ్రీదేవి తదితరులు సహకరించారు. థియేటర్ ఆర్టిస్ట్ వెంకటేష్తో పాటు పలువురు కళాకారులు తమ ప్రతిభను ప్రదర్శించారు.కళాకారులకు వేదిక కల్పించడమే లక్ష్యంఈ సందర్భంగా శివపార్వతి నాట్య అకాడమీ వ్యవస్థాపకుడు, డైరెక్టర్ చెట్టి నాగశేఖర్ మాట్లాడుతూ యువ కళాకారుల్లో దాగి ఉన్న ప్రతిభను వెలికితీసి వారికి తగిన వేదిక కల్పించడమే తమ ప్రధాన ఉద్దేశమని తెలిపారు. సంప్రదాయ నృత్య కళలను పరిరక్షిస్తూ, వాటిని భావితరాలకు అందించేందుకు అకాడమీ తరఫున నిరంతరం సాంస్కృతిక కార్యక్రమాలు నిర్వహిస్తామని చెప్పారు.
తెలంగాణలో భాష, సాహిత్యం, కళలు, సంస్కృతికి మరింత ప్రోత్సాహం లభించేలా కార్యక్రమాలు కొనసాగించాల్సిన అవసరం ఉందని పలువురు వక్తలు పేర్కొన్నారు.కళాకారుల అద్భుత నృత్య ప్రదర్శనలు, ప్రముఖ కొరియోగ్రాఫర్ల హాజరు, సాంస్కృతిక కార్యక్రమాలతోరవీంద్రభారతిప్రాంగణంకళాభిమానులతో సందడిగా మారింది. ‘మంజీరానందం’ కార్యక్రమం విజయవంతంగా ముగియడంతో నిర్వాహకులను పలువురు అభినందించారు.