మహబూబాబాద్ జిల్లా కురవి మండలం
రాజోలు స్థానిక గ్రామపంచాయతీ కార్యాలయ ఆవరణలో, గదుల్లో పేరుకుపోయిన చెత్తాచెదారాన్ని పంచాయతీ సిబ్బంది శుభ్రం చేయకపోవడంతో పాలకవర్గం ప్రత్యామ్నాయ చర్యలు చేపట్టింది. ఎంపీడీవో, ఎంపీవో, కార్యదర్శితో పాటు సర్పంచ్, పాలకవర్గ సభ్యులు ఎన్నిసార్లు ఆదేశించినా సిబ్బంది ఒకరిపై ఒకరు చెప్పుకుంటూ పనులను పూర్తిగా గాలికి వదిలేశారు.
దీంతో పంచాయతీ కార్యాలయ పరిసరాలు అధ్వానంగా మారడాన్ని గమనించిన ఉప సర్పంచ్, వార్డు సభ్యులు, పంచాయతీ కార్యదర్శి చర్చించి నిర్ణయం తీసుకున్నారు. పంచాయతీ సిబ్బంది సహాయనిరాకరణ చేయడంతో, చివరకు రోజువారీ కూలీలను రప్పించి ఆవరణతో పాటు గదుల్లోని
చెత్తను ఊడ్పించి మొత్తం ప్రాంగణాన్ని శుభ్రం చేయించారు.
ఉన్నతాధికారులు, ప్రజాప్రతినిధులు చెప్పినా వినకుండా విధుల్లో నిర్లక్ష్యం వహిస్తున్న పంచాయతీ సిబ్బంది తీరుపై స్థానికులు మండిపడుతున్నారు. పాలకవర్గమే నేరుగా కూలీలతో పనులు చేయించాల్సిన దుస్థితి రావడంపై ఆగ్రహం వ్యక్తం చేస్తూ, విధులను విస్మరిస్తున్న సిబ్బందిపై ఉన్నతాధికారులు కఠిన చర్యలు తీసుకోవాలని డిమాండ్ చేస్తున్నారు.
About The Author
