ఈవీఎం గోదాంలో భద్రతా ఏర్పాట్ల పరిశీలన

Published On 12 Aug 2026 14:06:25

By Ram Reddy

సిద్దిపేట,ఆగస్టు 12(లోకల్ గైడ్):

జిల్లా ఎన్నికల అధికారి, కలెక్టర్ కె. హైమావతి బుధవారం కలెక్టరేట్ పక్కన ఉన్న ఈవీఎం గోదాంను క్షేత్రస్థాయిలో పరిశీలించారు. నెలవారీ తనిఖీలో భాగంగా గోదాం చుట్టూ తిరిగి భద్రతా ఏర్పాట్లను పరిశీలించారు. లాగ్‌బుక్‌ను తనిఖీ చేసి, విజిటర్స్ రిజిస్టర్‌లో సంతకం చేశారు.ఎన్నికల సంఘం ఆఫ్ ఇండియా మార్గదర్శకాల ప్రకారం గోదాం చుట్టూ ఏర్పాటు చేసిన సీసీ కెమెరాల పనితీరును నిరంతరం పర్యవేక్షించాలని అధికారులను ఆదేశించారు. ఈవీఎం గోదాం వద్ద పోలీసు అధికారులు 24/7 పటిష్ట బందోబస్తు నిర్వహించాలని సూచించారు. గోదాం పరిసర ప్రాంతాలపై నిరంతరం నిఘా ఉంచాలని రెవెన్యూ అధికారులను కలెక్టర్ ఆదేశించారు.