కాంగ్రెస్ ప్రభుత్వం చేపడుతున్న అభివృద్ధి, సంక్షేమ కార్యక్రమాలను చూసి ఓర్వలేక బీఆర్ఎస్ పార్టీ విమర్శలకు దిగుతోందని ఎమ్మెల్యే రాందాస్ నాయక్ విమర్శించారు. బీఆర్ఎస్ తన ఉనికిని కాపాడుకోవడం కోసమే కాంగ్రెస్ ప్రభుత్వంపై ఆందోళనలకు సిద్ధమవుతోందని అన్నారు. వైరా నియోజకవర్గంలో ప్రభుత్వం చేపడుతున్న అభివృద్ధి కార్యక్రమాలు, ప్రజలకు అందుతున్న సంక్షేమ పథకాలను కాంగ్రెస్ పార్టీ నాయకులు, కార్యకర్తలు ప్రజల్లోకి విస్తృతంగా తీసుకెళ్లాలని ఎమ్మెల్యే పిలుపునిచ్చారు. ప్రభుత్వం అమలు చేస్తున్న పథకాలపై ప్రజలకు అవగాహన కల్పిస్తూ కాంగ్రెస్ ప్రభుత్వ అభివృద్ధి, సంక్షేమ ప్రగతిని వివరించాలని సూచించారు. వెయ్యి రోజుల పాలనలో వైరా నియోజకవర్గ అభివృద్ధికి ప్రభుత్వం అందించిన సహకారంతో మరింత వేగంగా అభివృద్ధి కార్యక్రమాలను ముందుకు తీసుకెళ్తామని ఎమ్మెల్యే రాందాస్ నాయక్ తెలిపారు.
