గండిపేట, ఆగస్టు 18 (లోకల్ గైడ్ ):
రాజేంద్రనగర్ సర్కిల్ 123 డివిజన్ పరిధిలోని ఇందిరా నగర్ బస్తీ లో ఎదుర్కొంటున్న విద్యుత్ సరఫరా సమస్యలను తక్షణమే పరిష్కరించాలని కోరుతూ బస్తీ వాసులు విద్యుత్ శాఖ ఎస్ ఈ వినతి పత్రాన్ని అందించారు. మంగళవారం బస్తీ బాట కార్యక్రమంలో భాగంగా స్థానిక నాయకులు హరీష్ గౌడ్ మాట్లాడుతూ.... ఇందిరా నగర్ బస్తీ లో దాదాపు 400 కుటుంబాలు నివాసం ఉంటున్నారని, వారికి సరైన విద్యుత్ సరఫరా సదుపాయాలు లేకపోవడంతో తీవ్ర ఇబ్బందులు పడుతున్నారని తెలిపారు. బస్తీ బాట కార్యక్రమంలో భాగంగా ఈ విషయాన్ని ఏ ఈ రమేష్ దృష్టి కి తీసుకెళ్లారని పేర్కొన్నారు. బస్తివాసుల సమస్యల తీవ్రత ను గుర్తించిన ఎస్ ఈ , విద్యుత్ సమస్యలపై వెంటనే తగిన చర్యలు తీసుకోవాలని సంబంధిత అధికారులను ఆదేశించారు. త్వరలోనే బతికి మెరుగైన సరఫరా అందుతుందని స్థానికులు ఆశాభావం వ్యక్తం చేశారు. ఈ కార్యక్రమంలో బస్తీ ప్రెసిడెంట్ లక్ష్మణ్, శివకుమార్, నాయకులు తదితరులు పాల్గొన్నారు.
