కారేపల్లి మండలం గేట్ కారేపల్లి గ్రామపంచాయతీలో సీజనల్ వ్యాధుల వ్యాప్తిని అరికట్టేందుకు పంచాయతీ ఆధ్వర్యంలో ఫాగ్గింగ్ కార్యక్రమాన్ని నిర్వహించారు. సర్పంచ్ పూసం ఎల్లయ్య, ఉప సర్పంచ్ కందుల శ్రీనివాస్, పంచాయతీ కార్యదర్శి కె. అనూష ఆధ్వర్యంలో గ్రామంలోని ప్రధాన వీధులు, నివాస ప్రాంతాల్లో ఫాగ్గింగ్ చేపట్టారు. వర్షాకాలంలో దోమల వృద్ధి అధికమై డెంగ్యూ, మలేరియా వంటి సీజనల్ వ్యాధులు ప్రబలే అవకాశం ఉన్నందున ముందస్తు జాగ్రత్తల్లో భాగంగా ఫాగ్గింగ్ నిర్వహించినట్లు తెలిపారు. గ్రామంలోని ప్రజలకు ఇబ్బందులు కలగకుండా దోమల నివారణకు అవసరమైన చర్యలు చేపడుతున్నామని పేర్కొన్నారు. ప్రజలు తమ ఇళ్ల పరిసరాల్లో నీరు నిల్వ ఉండకుండా చూసుకోవడంతో పాటు పరిసరాలను పరిశుభ్రంగా ఉంచాలని పంచాయతీ అధికారులు సూచించారు. సీజనల్ వ్యాధుల నియంత్రణకు గ్రామపంచాయతీ ఆధ్వర్యంలో నిరంతరం చర్యలు కొనసాగిస్తామని సర్పంచ్ పూసం ఎల్లయ్య తెలిపారు.
About The Author
