ఆర్ట్స్ కళాశాల–కేడీసీ మధ్య ఎంఓయూ

యూనివర్సిటీ ఆర్ట్స్ కళాశాల ప్రిన్సిపాల్ ప్రొఫెసర్ సుంకరి జ్యోతి...వెల్లడి

Published On 22 Sep 2026 15:51:50

By Ram Reddy

హనుమకొండ జిల్లా ప్రతినిధి,సెప్టెంబర్22
(లోకల్ గైడ్ న్యూస్)

విద్యార్థుల విద్యా, పరిశోధనా నైపుణ్యాల అభివృద్ధికి కళాశాలల మధ్య పరస్పర సహకారం అవసరమని యూనివర్సిటీ ఆర్ట్స్ కళాశాల ప్రిన్సిపాల్ ప్రొఫెసర్ సుంకరి జ్యోతి అన్నారు. కళాశాల రాజనీతి శాస్త్ర విభాగం, కాకతీయ ప్రభుత్వ డిగ్రీ కళాశాల (కేడీసీ) రాజనీతి శాస్త్ర విభాగం మధ్య అవగాహన ఒప్పందం (ఎంఓయూ) కుదిరిందని తెలిపారు.
ఎంఓయూ ద్వారా బోధన, పరిశోధన రంగాల్లో పరస్పరం సహకరించుకోవడంతో పాటు విద్యార్థుల అభ్యున్నతికి కృషి చేయనున్నట్లు ప్రిన్సిపాల్ పేర్కొన్నారు. సదస్సులు, చర్చాగోష్టులు, పరిశోధనా కార్యక్రమాల నిర్వహణకు ఈ ఒప్పందం దోహదపడుతుందని తెలిపారు.కార్యక్రమంలో రాజనీతి శాస్త్ర విభాగం అధ్యక్షుడు డాక్టర్ విజయకుమార్, డాక్టర్ వీరస్వామి, డాక్టర్ సంజీవ్, కేడీసీ రాజనీతి శాస్త్ర విభాగం అధిపతి డాక్టర్ కవిత, డాక్టర్ రవి తదితరులు పాల్గొన్నారు.