ఇటీవల జరిగిన పోలీస్ సంక్షేమ సంఘం ఎన్నికల్లో అధ్యక్షుడిగా అత్యధిక మెజార్టీతో విజయం సాధించిన సట్టు సైదులు సోమవారం నల్లగొండ ఎస్పీ కార్యాలయంలోని పోలీస్ సంక్షేమ సంఘం కార్యాలయంలో అధ్యక్షుడిగా బాధ్యతలు స్వీకరించారు. ఆయనతో పాటు సంఘం ప్రధాన కార్యదర్శిగా ఎన్నికైన కె. సాయిరాం పాటు కార్యవర్గ సభ్యులు బాధ్యతలు స్వీకరించారు .ఈ సందర్భంగా నూతన అధ్యక్షుడు సట్టు సైదులు, ప్రధాన కార్యదర్శి కె. సాయిరాం మాట్లాడుతూ తమపై నమ్మకం ఉంచి ఎన్నికల్లో ఆశీర్వదించి, అత్యధిక మెజార్టీతో గెలిపించిన పోలీస్ అధికారులు, సిబ్బంది అందరికీ ప్రత్యేకంగా కృతజ్ఞతలు తెలిపారు. ఎన్నికల్లో తమకు మద్దతుగా నిలిచిన ప్రతి ఒక్కరి నమ్మకాన్ని వమ్ము చేయకుండా పోలీస్ సిబ్బంది సంక్షేమానికి నిరంతరం కృషి చేస్తామని తెలిపారు.పోలీస్ శాఖలో విధులు నిర్వహించే సిబ్బంది ఎదుర్కొంటున్న సమస్యలను గుర్తించి వాటి పరిష్కారానికి కృషి చేయడం తమ ప్రధాన లక్ష్యమని వారు పేర్కొన్నారు. విధి నిర్వహణలో పోలీసులు ఎదుర్కొనే ఒత్తిడి, పని భారం, కుటుంబపరమైన సమస్యలను దృష్టిలో ఉంచుకుని సంక్షేమ కార్యక్రమాలను మరింత విస్తృతం చేయాల్సిన అవసరం ఉందన్నారు.పోలీస్ సిబ్బంది సంక్షేమం కోసం ఇప్పటికే అమలులో ఉన్న కార్యక్రమాలను మరింత సమర్థవంతంగా కొనసాగించడంతో పాటు, అవసరమైన చోట నూతన సంక్షేమ కార్యక్రమాలను చేపట్టేందుకు ప్రయత్నిస్తామని తెలిపారు. ప్రతి పోలీసు ఉద్యోగికి సంఘం అండగా ఉంటుందని భరోసా ఇచ్చారు.పోలీస్ సిబ్బంది ఆరోగ్యం పట్ల ప్రత్యేక శ్రద్ధ తీసుకుంటామని తెలిపారు. నిరంతరం విధుల్లో నిమగ్నమై ఉండే పోలీసులకు ఆరోగ్య సమస్యలు తలెత్తే అవకాశం ఉన్నందున ఆరోగ్య భద్రతకు అత్యంత ప్రాధాన్యత ఇస్తామని చెప్పారు.
పోలీసు సిబ్బందికి అవసరమైన వైద్య సదుపాయాలు, ఆరోగ్య అవగాహన కార్యక్రమాలు, వైద్య పరీక్షలు వంటి అంశాలపై దృష్టి సారిస్తామని పేర్కొన్నారు. పోలీసుల ఆరోగ్యం మెరుగ్గా ఉంటేనే వారు ప్రజలకు మరింత సమర్థవంతంగా సేవలు అందించగలరని తెలిపారు.పోలీస్ సిబ్బంది తమ సమస్యలను సంక్షేమ సంఘం దృష్టికి తీసుకువస్తే వాటిని సంబంధిత అధికారుల దృష్టికి తీసుకెళ్లి పరిష్కారానికి కృషి చేస్తామని నూతన కమిటీ ప్రతినిధులు తెలిపారు. పోలీసుల హక్కులు, సంక్షేమం, కుటుంబ అవసరాలకు సంబంధించిన అంశాలపై సమన్వయంతో పనిచేస్తామని అన్నారు.ఎన్నికల్లో తమకు లభించిన భారీ మద్దతు తమపై మరింత బాధ్యతను పెంచిందని పేర్కొన్నారు. పదవిని వ్యక్తిగత గౌరవంగా కాకుండా పోలీస్ సిబ్బందికి సేవ చేసే అవకాశంగా భావిస్తున్నామని తెలిపారు.పోలీస్ సంక్షేమ సంఘం కార్యకలాపాలను మరింత బలోపేతం చేసేందుకు అధికారులు, సిబ్బంది అందరి సహకారం అవసరమని వారు కోరారు. సంఘం తరఫున చేపట్టే ప్రతి కార్యక్రమంలో పారదర్శకత, సమన్వయం, సభ్యుల ప్రయోజనాలకు ప్రాధాన్యత ఇస్తామని తెలిపారు.
బాధ్యతల స్వీకరణ కార్యక్రమంలో పోలీస్ సంక్షేమ సంఘం ప్రతినిధులు, పోలీస్ సిబ్బంది తదితరులు పాల్గొని నూతన అధ్యక్షుడు సట్టు సైదులు, ప్రధాన కార్యదర్శి కె. సాయిరాంకు అభినందనలు, శుభాకాంక్షలు తెలిపారుఈ కార్యక్రమంలో పోలీస్ సంక్షేమ సంఘం జిల్లా ఉపాధ్యక్షులు కే. కరుణాకర్, ఈ. రవి, జాయింట్ సెక్రెటరీ బాలకృష్ణ, కోశాధికారి సత్యనారాయణ, ఆర్గనైజింగ్ సెక్రటరీ వినోద్ బాబు, కార్యవర్గ సభ్యులు రమేష్, సుధాకర్, భాస్కర్, నాగజ్యోతి, శ్రీహరి, వెంకన్న తదితరులు పాల్గొన్నారు..
About The Author
