ప్రైవేట్‌ స్కూల్‌ బస్సులను వివాహాలకు వినియోగించొద్దు

Published On 18 Aug 2026 16:20:05

By Ram Reddy

ప్రైవేట్‌ స్కూల్‌ బస్సులను వివాహాలకు వినియోగించొద్దు

లోకల్ గైడ్, ఆమనగల్లు, ఆగస్టు 18:
ప్రైవేట్‌ పాఠశాలలకు చెందిన బస్సులను వివాహ వేడుకలు, ఇతర వ్యక్తిగత కార్యక్రమాలకు వినియోగించకుండా చర్యలు తీసుకోవాలని ఆమనగల్లు టూర్స్‌ అండ్‌ ట్రావెల్స్‌ బస్సు అసోసియేషన్‌ ప్రతినిధులు కోరారు. ఈ మేరకు ట్రస్మా (ట్రస్మ), ప్రైవేట్‌ పాఠశాలల యాజమాన్యాలకు వినతిపత్రం అందజేశారు.

విద్యార్థుల రవాణా కోసం వినియోగించాల్సిన పాఠశాల బస్సులను ఇతర కార్యక్రమాలకు ఉపయోగించడం వల్ల తమ వ్యాపారంపై ప్రభావం పడుతోందని అసోసియేషన్‌ ప్రతినిధులు పేర్కొన్నారు. ముఖ్యంగా వివాహాలు, ఇతర శుభకార్యాలకు అవసరమైన బస్సులను టూర్స్‌ అండ్‌ ట్రావెల్స్‌ నిర్వాహకుల నుంచి తీసుకునేలా పాఠశాలల యాజమాన్యాలు సహకరించాలని వారు కోరారు.

విద్యార్థుల రవాణాకు ఉద్దేశించిన పాఠశాల బస్సులను అదే అవసరాలకు పరిమితం చేయడంతో పాటు, స్థానిక టూర్స్‌ అండ్‌ ట్రావెల్స్‌ నిర్వాహకులకు ఉపాధి అవకాశాలు కల్పించేలా చర్యలు తీసుకోవాలని వారు విజ్ఞప్తి చేశారు.

వినతిపత్రం అందజేసిన వారిలో కల్వకుర్తి తాలూకా ఇన్‌చార్జ్‌ ఎడ్ల శ్రీశైలం, వర్త్యావత్‌ పాండు, ఇస్లావత్‌ రమేష్‌, నేనావత్‌ హనుమంతు, కొమ్ముగోని శీను, డేరంగుల మహేష్‌, ధర్మేందర్‌, వెంకటేష్‌గౌడ్‌ తదితరులు ఉన్నారు.