గంగన్నగూడెం ప్రభుత్వ పాఠశాలకు కుమ్మరి సంక్షేమ సంఘం చేయూత

రూ.10 వేల ఆర్థిక సాయం.. సౌండ్ బాక్స్, 27 మంది విద్యార్థులకు స్కూల్ బ్యాగుల పంపిణీ

Published On 19 Aug 2026 16:42:24

By Ram Reddy

గంగన్నగూడెం ప్రభుత్వ పాఠశాలకు కుమ్మరి సంక్షేమ సంఘం చేయూత

కొందుర్గు

కొందుర్గు మండలం గంగన్నగూడెం ప్రాథమిక పాఠశాలకు షాద్‌నగర్ కుమ్మరి సంక్షేమ సంఘం ఆధ్వర్యంలో పలు సామగ్రి, ఆర్థిక సహాయాన్ని అందించారు. కుమ్మరి బాలరాజు ఆధ్వర్యంలో నిర్వహించిన ఈ కార్యక్రమంలో సంఘం అధ్యక్షులు నడికూడా శ్రీశైలం పాఠశాల మరమ్మతుల కోసం రూ.10 వేల ఆర్థిక సహాయాన్ని అందించారు.

యెల్లయ్య జ్ఞానేశ్వర్ (భాగ్య రామ లక్ష్మి చిట్ ఫండ్) పాఠశాలకు సౌండ్ బాక్స్‌ను బహుకరించారు. కొత్తూరు మండలం కుమ్మరి గూడెం గ్రామానికి చెందిన కుమ్మరి ఆంజనేయులు (అమూల్య సా మిల్) పాఠశాలలోని 27 మంది విద్యార్థులకు స్కూల్ బ్యాగులను అందజేశారు.

ఈ కార్యక్రమంలో పాఠశాల ప్రధానోపాధ్యాయురాలు శిరీష, ఉపాధ్యాయులు మానస, ఆంజనేయులు, షాద్‌నగర్ కుమ్మరి సంక్షేమ సంఘం కో-కన్వీనర్ వైన్స్ అంజయ్య, కోశాధికారి కృష్ణ, ఉపాధ్యక్షులు శ్రీశైలం, సంఘం సభ్యులు సాయిలు, వెంకటయ్య, ఆటో శ్రీను, వార్డు మెంబర్ రాజు, శ్రీను తదితరులు పాల్గొన్నారు. పాఠశాలకు, విద్యార్థులకు సహాయ సహకారాలు అందించిన దాతలకు ఉపాధ్యాయులు, గ్రామస్థులు కృతజ్ఞతలు తెలిపారు.