కుల గణనతోనే సామాజిక న్యాయం – కొప్పుల రాజు

( లోకల్ గైడ్ షాద్ నగర్ )

కులాల వారీ వివరాలు సేకరించాలి.

రాబోయే జనాభా గణనలో ఎస్సీ ఎస్టీ ఓబీసీ జనరల్ కేటగిరీల కోసం రాష్ట్రాలవారీ జాబితాలతో పాటు, కేటగిరీ మరియు కులం కోసం ప్రత్యేక డ్రాప్‌డౌన్ ఆప్షన్లు చేర్చాలని కాంగ్రెస్ పార్టీ కేంద్ర ప్రభుత్వాన్ని డిమాండ్ చేస్తోందని కొప్పుల రాజు తెలిపారు. ఎస్సీ ఎస్టీ ఓబిసి ఈడబ్ల్యూఎస్ కేటగిరీల వర్గీకరణ, రిజర్వేషన్ల అమలు కోసం కేంద్ర, రాష్ట్ర ప్రభుత్వాల వద్ద ఇప్పటికే కేటగిరీలకు సంబంధించిన జాబితాలు అందుబాటులో ఉన్నాయని ఆయన అన్నారు. కాబట్టి కులాల వారీగా వివరాలను నమోదు చేయడం పెద్ద సమస్య కాదని పేర్కొన్నారు.
ఇంకా సమయం ఉందని, హౌస్‌లిస్టింగ్ దశలో ఇప్పటివరకు కుల సంబంధిత వివరాలను సేకరించలేదని ఆయన తెలిపారు. జనాభా లెక్కల (పాపులషన్ ఏనుమేరేషన్ ) ప్రక్రియ 2027 ఫిబ్రవరి నుంచి దేశవ్యాప్తంగా ప్రారంభం కానున్నందున, ఇప్పటికైనా కేంద్ర ప్రభుత్వం కులాల వారీ వివరాలను జనాభా గణనలో చేర్చాలని డిమాండ్ చేశారు.

ఓబీసీ ల విషయంలో బీజేపీ ద్వంద్వ వైఖరి

ఓబీసీ సాధికారత పేరుతో ప్రకటనలు చేయడం, ఆచరణలో మాత్రం వారి హక్కులను బలహీనపరచడం బీజేపీకి ఒక స్థిరమైన విధానంగా మారిందని కొప్పుల రాజు విమర్శించారు. కుల గణన ద్వారా అందుబాటులోకి వచ్చే వాస్తవ గణాంకాల ఆధారంగా విధానాలను రూపొందించి, అణగారిన మరియు వెనుకబడిన వర్గాలకు వారి జనాభా, అవసరాలకు అనుగుణంగా న్యాయమైన వాటా, సమాన అవకాశాలు కల్పించాల్సిన బాధ్యత కేంద్ర ప్రభుత్వంపై ఉందని కొప్పుల రాజు అన్నారు.