---
లోకల్ గైడ్/తాండూరు:
దసరా పండుగ సందర్భంగా మాజీ ఎమ్మెల్యే పైలెట్ రోహిత్ రెడ్డి మంగళవారం పాత తాండూరులోని బోనమ్మ గుడిలో అమ్మవారిని దర్శించుకుని ప్రత్యేక పూజలు నిర్వహించారు. అనంతరం హిందూ ఉత్సవ సమితి ఆధ్వర్యంలో నిర్వహించిన రావణ దహనం కార్యక్రమంలో పాల్గొన్నారు.
ఈ సందర్భంగా ఆయన తాండూరు ప్రజలందరికీ విజయదశమి శుభాకాంక్షలు తెలిపారు. అమ్మవారి ఆశీస్సులతో తాండూరు ప్రాంతం సుభిక్షంగా ఉండాలని, సకాలంలో వర్షాలు కురిసి రైతులు సంతోషంగా ఉండాలని ఆకాంక్షించారు. యువతకు ఉద్యోగ, ఉపాధి అవకాశాలు లభించి ప్రతి కుటుంబం ఆనందంగా ఉండాలని అమ్మవారిని ప్రార్థించినట్లు తెలిపారు.
