కారేపల్లి, అక్టోబర్ 21 (లోకల్ గైడ్ న్యూస్):
ఆపదలో ఉన్న పేద కుటుంబానికి అండగా నిలిచి మానవత్వాన్ని చాటుకున్నారు పాటిమీదగుంపు సర్పంచ్ జి. సుజాత భర్త సంతోష్. అనారోగ్యంతో హైదరాబాద్‌లోని నిమ్స్ ఆసుపత్రిలో చికిత్స పొందుతున్న పాటిమీదగుంపు గ్రామానికి చెందిన భూక్యా లక్ష్మి ఆర్థిక ఇబ్బందులను తెలుసుకున్న సంతోష్, ఆమెకు వైద్య ఖర్చుల కోసం రూ.5 లక్షల ఎల్‌ఓసీ (లెటర్ ఆఫ్ క్రెడిట్) మంజూరుకు కృషి చేశారు. ఇటీవల రోడ్డు ప్రమాదానికి గురై విశ్రాంతి తీసుకోవాల్సిన పరిస్థితి ఉన్నప్పటికీ, పేద మహిళకు సాయం అందించాలనే సంకల్పంతో ముందడుగు వేశారు. ఈ విషయాన్ని వైరా ఎమ్మెల్యే మాలోత్ రాందాస్ నాయక్ దృష్టికి తీసుకెళ్లగా, ఆయన స్పందించి రూ.5 లక్షల ఎల్‌ఓసీపై సంతకం చేసి పంపించారు. దీంతో వైద్య చికిత్స కోసం ఆర్థిక ఇబ్బందులు ఎదుర్కొంటున్న బాధిత కుటుంబానికి ఊరట లభించింది. ప్రమాదంలో గాయపడినా.. పేదల కష్టాలకు చలించి సాయం అందించేందుకు ముందుకొచ్చిన సంతోష్ సేవాభావాన్ని, తక్షణమే స్పందించి వైద్య సాయం అందేలా సహకరించిన ఎమ్మెల్యే రాందాస్ నాయక్ చొరవను గ్రామస్థులు అభినందిస్తున్నారు.
About The Author
