హనుమకొండ జిల్లా ప్రతినిధి,ఆగస్టు10
(లోకల్ గైడ్ న్యూస్)*:
హనుమకొండ, వైద్యులు ప్రజలకు మెరుగైన వైద్య సేవలు అందించి ఆరోగ్యవంతమైన సమాజాన్ని నిర్మించాలని రాష్ట్ర మంత్రి పొంగులేటి శ్రీనివాస్ రెడ్డి సూచించారు. హనుమకొండ లో ప్రముఖ వైద్యులు నరసింగరావు, సుధీర్, రామకృష్ణ, శివకుమార్ ల ఆధ్వర్యంలో ఏర్పాటుచేసిన ఇషా హాస్పిటల్ ను ప్రారంభించిన అనంతరం పొంగులేటి మాట్లాడుతూ, ప్రజలకు మెరుగైన వైద్య సేవలు అందించి, అధునాతనమైన టెక్నాలజీ ఉపయోగించి సేవలు అందించాలని వైద్య సిబ్బందికి సూచించారు. రోగులకు అవగాహన కల్పించి తద్వారా ఆరోగ్యవంతమైనటువంటి సమాజాన్ని నిర్మించాలని అన్నారు. అనంతరం హస్పటల్ ఆవరణలో ఏర్పాటుచేసిన అధునాతనమైన ల్యాబ్, ఐసీయూ తదితర విభాగాలను సందర్శించి సంతృప్తి వ్యక్తం చేశారు. ఈ కార్యక్రమంలో స్థానిక ఎమ్మెల్యే నాయిని రాజేందర్ రెడ్డి,ఎమ్మెల్సీ బసవరాజు సారయ్య, డిఎంహెచ్వో డాక్టర్.అప్పయ్య, పెసరు విజయ్ చందర్ రెడ్డి, కాళీ ప్రసాద రావు, వైద్యులు అనిల్, సురేష్, రోహిత్,అరుణ, పద్మావతి నితిన్, మాజీ కార్పొరేటర్ బసవరాజు కుమారస్వామి, సంపత్, బసవరాజు శ్రీమాన్, ఎర్రబెల్లి స్వర్ణ తదితరులు పాల్గొన్నారు.
