డైస్,యు పి ఎచ్ సి, ఎస్ ఎన్ సి యు, ఎన్ ఆర్ సి ల సేవలపై డి ఎం ఎచ్ ఓ తనికి.

వరంగల్ ఉమ్మడి జిల్లా ప్రతినిధి,సెప్టెంబర్ 18
(లోకల్ గైడ్ న్యూస్)

వరంగల్ జిల్లా వైద్య , ఆరోగ్య శాఖ అధికారి డా. బి. రాజా రెడ్డి  వరంగల్‌లోని యం.జి.యం.ఆసుపత్రి ప్రాంగణంలో నిర్వహిస్తున్న వివిధ జాతీయ ఆరోగ్య మిషన్ (ఎన్ హెచ్ ఎం) సేవలను పరిశీలించారు.ఈ సందర్భంగా డిస్ట్రిక్ట్ ఎర్లీ ఇంటర్ వెన్షన్ ప్రారంభించిన సెంటర్ (డి ఈ ఐ సి), యు ఎఫ్ డబ్లు సి, ఎస్ ఎన్ సి యు, ఎన్ ఆర్ సి యూనిట్లను సందర్శించి అక్కడ అందిస్తున్న వైద్య సేవలను, సిబ్బంది పనితీరును, రికార్డులు, రిపోర్టుల నిర్వహణను పరిశీలించారు. అలాగే లబ్ధిదారులకు అందుతున్న సేవలపై సంబంధిత సిబ్బందితో వివరాలు తెలుసుకున్నారు.
ఎస్ ఎన్ సి యు, ఎన్ ఆర్ సి యూనిట్లలో శిశువులు, పిల్లలకు అందుతున్న వైద్య సంరక్షణ, పోషకాహార సేవలు, ఫాలోఅప్, రిఫరల్ సేవలు, రికార్డుల నిర్వహణపై ప్రత్యేకంగా సమీక్షించారు. డైస్ లో ఆర్ బి ఎస్ కె ద్వారా  రిఫర్ అయిన చిన్నారుల అభివృద్ధి సంబంధిత సమస్యలను ముందస్తుగా గుర్తించి, అవసరమైన స్క్రీనింగ్, చికిత్స, ఫాలోఅప్ సేవలు సమర్థవంతంగా అందించాలని సూచించారు.
యు ఎఫ్ డబ్లు సి లో మహిళలకు అందుతున్న ఆరోగ్య సేవలు, రికార్డుల నిర్వహణ, సేవల నాణ్యతను పరిశీలించారు. అన్ని జాతీయ ఆరోగ్య కార్యక్రమాలకు సంబంధించిన నిర్దేశిత లక్ష్యాలు, సూచికలను సాధించే విధంగా ప్రణాళికాబద్ధంగా పనిచేయాలని అధికారులకు సూచించారు.
ప్రజలకు నాణ్యమైన ఆరోగ్య సేవలు అందించడం, రికార్డులను ఎప్పటికప్పుడు నవీకరించడం, సేవలలో ఎలాంటి లోపాలు లేకుండా చూడటం, లబ్ధిదారుల సంతృప్తికి ప్రాధాన్యత ఇవ్వాలని జిల్లా వైద్య ఆరోగ్యశాఖ అధికారి, డా. బి. రాజా రెడ్డి  సిబ్బందికి ఆదేశించారు.
తదనంతరం ఆయుష్మాన్ ఆరోగ్య మందిరం తిమ్మాపూర్ ను సందర్శించారు. అక్కడి అందించు చున్న ఆరోగ్య సేవలను పర్యవేక్షించి పెర్ఫార్మెన్స్ ను పెంచుటకు సూచనలు చేశారు. పేషెంట్ సేఫ్టీ వారోత్సవాల లో భాగంగా అక్కడి సిబ్బంది, పేషెంట్ ల తో ప్రతిజ్ఞ చేయించారు.
ఈ కార్యక్రమంలో ప్రోగ్రాం అధికారి ( సి ఎచ్ ఐ/డిప్యూటీ డి ఎం ఎచ్ ఓ డా. ప్రకాష్, డి పి ఓ  అర్చన తదితరులు పాల్గొన్నారు.