బెజ్జంకి ఆగస్ట్ 8 (లోకల్ గైడ్): అమెరికా పర్యటనను విజయవంతంగా ముగించుకుని స్వదేశానికి చేరుకున్న మాజీ ఎమ్మెల్యే, తెలంగాణ ఉద్యమ స్ఫూర్తి ప్రదాత డా. రసమయి బాలకిషన్కు బెజ్జంకి మండల బీఆర్ఎస్ నాయకులు ఘన స్వాగతం పలికారు. ఈ సందర్భంగా ఆయనను శాలువాతో సత్కరించి, పుష్పగుచ్ఛం అందజేశారు.రసమయి బాలకిషన్ నాయకత్వంలో బీఆర్ఎస్ పార్టీ మరింత బలోపేతం కావాలని నాయకులు ఆకాంక్షించారు. ప్రజా సమస్యల పరిష్కారం కోసం పార్టీ శ్రేణులు సమష్టిగా పనిచేస్తాయని తెలిపారు.ఈ కార్యక్రమంలో బెజ్జంకి మండల బీఆర్ఎస్ అధ్యక్షుడు మహిపాల్ రెడ్డి, సీనియర్ నాయకులు లింగాల లక్ష్మణ్, ఎలా శేఖర్ బాబు, అలవాల స్వామి, లింగాల వెంకటేష్, రాజు తదితరులు పాల్గొన్నారు.
