లోకల్ గైడ్/బంట్వారం:
మండలంలో విచ్చలవిడిగా కొనసాగుతున్న బెల్ట్షాపులపై చర్యలు తీసుకుని, గ్రామాల్లో మద్యం విక్రయాలను నియంత్రించాలని భారత ఏకలింగుల హక్కుల పరిరక్షణ సమితి రాష్ట్ర ప్రధాన కార్యదర్శి, పబ్లిక్ న్యూస్ జిల్లా రిపోర్టర్ కావలి నర్సిములు బంట్వారం ఎస్ఐ విమలకు వినతిపత్రం అందజేశారు. ఈ సందర్భంగా ఆయన మాట్లాడుతూ.. మండలంలోని పలు కిరాణా దుకాణాల్లో ఉదయం వేళల నుంచే అర్ధరాత్రి వరకు అక్రమంగా మద్యం విక్రయిస్తున్నారని ఆరోపించారు. మద్యానికి బానిసవుతున్న యువత కుటుంబ కలహాలకు, గ్రామాల్లో గొడవలకు పాల్పడుతున్నారని తెలిపారు. తాగిన మైకంలో క్షణికావేశానికి లోనై ప్రాణాపాయ పరిస్థితులు ఏర్పడే అవకాశం ఉందని ఆందోళన వ్యక్తం చేశారు. ముఖ్యంగా సల్బత్తాపూర్ గ్రామంలో గత నెల రోజులుగా తరచూ గొడవలు జరుగుతున్నాయని, గ్రామంపై ప్రత్యేక నిఘా ఏర్పాటు చేసి బెల్ట్షాపుల నిర్వహణను అరికట్టాలని కోరారు. అక్రమ మద్యం విక్రయాలపై తనిఖీలు నిర్వహించి, గ్రామాల్లో మద్యపానాన్ని నియంత్రించేందుకు పోలీసులు చర్యలు తీసుకోవాలని నర్సిములు విజ్ఞప్తి చేశారు.
