నిరాధారమైన ప్రచారం చేస్తే చర్యలు తప్పవు!

- సర్వే నంబర్ 3లో ఒక్క ఇంచు భూమి కూడా నాకు అవసరం లేదు

ప్లాటు కబ్జా ఆరోపణలను ఖండించిన మాజీ మార్కెట్ కమిటీ చైర్మన్ బాల్‌రెడ్డి

Published On 30 Oct 2026 19:48:26

By Ram Reddy

నిరాధారమైన ప్రచారం చేస్తే చర్యలు తప్పవు!

లోకల్ గైడ్ /తాండూర్:

తనపై వస్తున్న ప్లాటు కబ్జా ఆరోపణలను తాండూర్ మార్కెట్ కమిటీ మాజీ చైర్మన్ బాల్‌రెడ్డి ఖండించారు. యాలాల్ మండలం రసూల్‌పూర్ పరిధిలోని సర్వే నంబర్ 3లో ప్లాటు కబ్జా చేసినట్లు ఆరోపణలు చేస్తున్న వారు వాటిని నిరూపించాలని సవాల్ విసిరారు.

సర్వే నంబర్ 3లో తనకు ఒక్క ఇంచు భూమి కూడా అవసరం లేదని స్పష్టం చేశారు. ఎలాంటి ఆధారాలు లేకుండా తనపై నిరాధారమైన ఆరోపణలు చేస్తే చట్టపరమైన చర్యలు తప్పవని హెచ్చరించారు. వాస్తవాలు తెలుసుకోకుండా వ్యక్తిగత ప్రతిష్ఠకు భంగం కలిగించేలా ఆరోపణలు చేయడం సరికాదని పేర్కొన్నారు. భారతీ రెడ్డి తన ప్లాటు కబ్జా చేశారంటూ చేసిన ఆరోపణలు నేపథ్యంలో ఆయన స్పందించారు.