నారాయణపేట, ఆగస్టు 10
చిన్ననాటి స్నేహం.. ఒకే తరగతి గదిలో చదువుకు న్న అనుబంధం.. కాలం గడిచినా చెదరని ఆత్మీయ త.. ఆపద సమయంలో ఆ స్నేహబంధం మరోసారి వెలుగుచూసింది. తమతో కలిసి చదువుకున్న బాల్య మిత్రుడు అనారోగ్యంతో మృతి చెందడంతో అతడి కుటుంబాన్ని ఆదుకునేం దుకు పూర్వ విద్యార్థులం తా ఒక్కటై మానవత్వాన్ని చాటుకున్నారు. నారాయ ణపేట జిల్లాలోని నారా యణపేట మండలం జాజా పూర్ గ్రామానికి చెందిన జీరీ ప్రకాష్ కొంతకాలంగా అనారోగ్యంతో బాధపడు తూ గత వారం రోజుల క్రితం మృతి చెందాడు. ప్రకాష్ మృతితో కుటుంబ సభ్యులు తీవ్ర విషాదంలో మునిగిపోయారు. విషయం తెలుసుకున్న ఆయన చిన్న నాటి మిత్రులు, పూర్వ విద్యార్థులు సోమవారం జాజాపూర్ గ్రామానికి చేరు కుని మృతుని కుటుంబ సభ్యులను పరామర్శిం చారు.ఈ సందర్భంగా ప్రకాష్తో తమకున్న చిన్న నాటి జ్ఞాపకాలను గుర్తుచే సుకుంటూ భావోద్వేగానికి గురయ్యారు. అనంతరం పూర్వ విద్యార్థులంతా కలిసి తమ వంతుగా ఆర్థిక సహాయాన్ని అందజేశారు. కష్టకాలంలో కుటుంబానికి అండగా నిలుస్తామని, ఎలాంటి అవసరం వచ్చినా తమకు తెలియజేయాలని కుటుంబ సభ్యులకు భరో సా కల్పించారు.స్నేహం అంటే సంతోషాల్లోనే కాదు.. కష్టాల్లోనూ తోడుగా నిలవడమేనని పూర్వ విద్యార్థులు తమ చర్య ద్వారా చాటిచెప్పారు. ఆపదలో ఉన్న మిత్రుడి కుటుంబానికి ఆర్థికంగా, మానసికంగా అండగా నిలిచిన పూర్వ విద్యార్థు లను గ్రామస్థులు అభినం దించారు.
ఫోటో రైట్ అప్:7.ఆర్థిక సహాయం అందించిన పూర్వ విద్యార్థులు
___________________
