బాధితులకు భరోసా.. ఆపదలో అండగా అజ్మీరా నరేష్ కుమార్!

కారేపల్లి, అక్టోబర్ 24 (లోకల్ గైడ్ న్యూస్):

ఆపదలో ఉన్నవారికి అండగా నిలుస్తూ.. బాధిత కుటుంబాల్లో మనోధైర్యం నింపుతూ.. మాదారం గ్రామానికి చెందిన కాంగ్రెస్ నాయకుడు అజ్మీరా నరేష్ కుమార్ గోవిందు తండాలో విస్తృతంగా పర్యటించారు. ప్రమాదాలు, వివిధ కారణాలతో గాయపడి ఇబ్బందులు ఎదుర్కొంటున్న కుటుంబాలను పరామర్శించి, వారి ఆరోగ్య పరిస్థితులను అడిగి తెలుసుకున్నారు. అధైర్యపడవద్దని, కష్టకాలంలో అండగా ఉంటానని భరోసా కల్పించారు.

సీఎంఆర్‌ఎఫ్‌ సాయం అందేలా కృషి

ప్రమాదాల కారణంగా ఆర్థిక ఇబ్బందులు ఎదుర్కొంటున్న బాధిత కుటుంబాలకు రాష్ట్ర ప్రభుత్వం ద్వారా ముఖ్యమంత్రి సహాయ నిధి (సీఎంఆర్‌ఎఫ్‌) నుంచి అందాల్సిన ఆర్థిక సహాయం అందేలా తన వంతు కృషి చేస్తానని అజ్మీరా నరేష్ కుమార్ తెలిపారు. బాధిత కుటుంబాలు ధైర్యంగా ఉండాలని, అవసరమైన సహకారం అందించేందుకు కృషి చేస్తానని పేర్కొన్నారు.

పార్టీలకు అతీతంగా ప్రజాసేవ

రాజకీయాలకు అతీతంగా ప్రజల కష్టసుఖాల్లో పాలుపంచుకుంటూ, ఆపదలో ఉన్నవారికి అండగా నిలవడం ఎంతో ముఖ్యమని ఈ సందర్భంగా ఆయన పేర్కొన్నారు. బాధిత కుటుంబాలకు భరోసా కల్పిస్తూ, వారి సమస్యల పరిష్కారానికి తన వంతు సహకారం అందిస్తానని తెలిపారు. గోవిందు తండా గ్రామ పెద్ద పాప నాయక్ అల్లుడు రాజేష్, బానోత్ శివ, వినోద్ కుటుంబాలను నరేష్ కుమార్ పరామర్శించారు. బాధిత కుటుంబ సభ్యులతో మాట్లాడి వారికి ధైర్యం చెప్పారు. ఈ కార్యక్రమంలో ఉప సర్పంచ్, బీఆర్‌ఎస్‌ నాయకుడు బానోత్ లాలూమంగా, వార్డు సభ్యులు బానోత్ సౌందర్య, నగేష్, సీపీఐ(ఎంఎల్‌) నాయకులు బర్మావత్ గోవిందు నాయక్, బాదావత్ వీరు నాయక్, బీఆర్‌ఎస్‌ నాయకులు బానోత్ కోటేశ్వరరావు, మల్లికార్జున్, కాంగ్రెస్ నాయకులు వంకుడోత్ వీరన్న, బట్టు నరసయ్య, గ్రామ యువ నాయకులు బర్మావత్ వీర నాయక్, ముదిగొండ వెంకన్న, కళ్యాణ్ నాయక్ తదితరులు పాల్గొన్నారు.