ఖమ్మం జిల్లాలోని మొత్తం 28 పీఎం శ్రీ పాఠశాలలకు ఆట వస్తువులు (Sports Equipment / Materials) సరఫరా చేయడానికి ఆసక్తి కలిగిన అభ్యర్థుల నుండి షార్ట్ టెండర్ దరఖాస్తులను ఆహ్వానిస్తున్నట్టు అదనపు కలెక్టర్ పి. శ్రీనివాస రెడ్డి గురువారం ఒక ప్రకటనలో తెలిపారు.
జిల్లాలోని 28 పాఠశాలలకు గాను మొత్తం 167 రకాల ఆట వస్తువులను సరఫరా చేయాల్సి ఉంటుందని అదనపు కలెక్టర్ అన్నారు. ప్రతి పాఠశాలకు రూ. 50 వేల చొప్పున మొత్తం రూ. 14 లక్షలు ఇందుకు కేటాయించినట్లు తెలిపారు. ఈ టెండర్ ప్రక్రియలో పాల్గొనదలచిన అభ్యర్థులు ఖమ్మం జిల్లాకు చెందినవారై ఉండాలన్నారు.
దరఖాస్తు & షెడ్యూల్ రుసుము రూ. 4 వేలు వుంటుందని, ధరావతు సొమ్ము రూ. 50 వేలు
డిమాండ్ డ్రాఫ్ట్ జిల్లా కలెక్టరు మరియు ఛైర్మన్, సమగ్ర శిక్ష, ఖమ్మం పేరున తీయాలని అన్నారు.
జిల్లా విద్యాశాఖాధికారి కార్యాలయం, కలెక్టరేట్, ఖమ్మం నందు ఈ నెల 15 నుండి నుండి ఈ నెల 17 వ తేదీ సాయంత్రం 05:00 గంటల వరకు మాత్రమే సీల్డ్ టెండర్ దరఖాస్తులు స్వీకరించబడతాయని, నిర్ణీత గడువు దాటిన తర్వాత లేదా తపాలా (Post) ద్వారా వచ్చిన దరఖాస్తులను ఎట్టి పరిస్థితుల్లోనూ స్వీకరించరని అదనపు కలెక్టర్ తెలిపారు.
టెండర్లను ఈ నెల 19 న ఉదయం 11:00 గంటలకు అదనపు కలెక్టర్ మరియు జిల్లా కొనుగోలు కమిటీ ఛైర్మన్ సమక్షంలో టెండర్లు తెరవబడతాయని, టెండర్ గడువును పొడిగించేందుకు లేదా రద్దు పరిచేందుకు అదనపు కలెక్టర్ మరియు జిల్లా కొనుగోలు కమిటీ ఛైర్మన్ సంపూర్ణ అధికారం కలదని అదనపు కలెక్టర్ ఆ ప్రకటనలో పేర్కొన్నారు.
About The Author
