సింగరేణి, అక్టోబర్ 1 (లోకల్ గైడ్ న్యూస్):
సింగరేణి మండలం భాగ్యనగర్ తండాలో వీబీజీ రామ్‌జీ పథకం ద్వారా చేపడుతున్న బోర్‌వెల్ రీఛార్జ్ నిర్మాణ పనులను ఎంపీడీఓ పద్మ పరిశీలించారు. పనుల పురోగతిని అధికారులను అడిగి తెలుసుకుని, నిర్మాణ నాణ్యతను పరిశీలించారు. ఈ సందర్భంగా ఎంపీడీఓ పద్మ మాట్లాడుతూ బోర్‌వెల్ రీఛార్జ్ నిర్మాణాల ద్వారా వర్షపు నీటిని భూగర్భంలోకి మళ్లించి భూగర్భ జలాలను పెంపొందించవచ్చన్నారు. తద్వారా భవిష్యత్‌లో నీటి నిల్వలు పెరిగి, కరువు పరిస్థితులను ఎదుర్కొనేందుకు దోహదపడుతుందని తెలిపారు. వర్షపు నీటిని సద్వినియోగం చేసుకునేలా రీఛార్జ్ పనులకు ప్రాధాన్యం ఇస్తున్నట్లు పేర్కొన్నారు. ఈ కార్యక్రమంలో భాగ్యనగర్ తండా సర్పంచ్ బానోత్ హీరాలాల్, ఈసీ సుధీర్, పంచాయతీ కార్యదర్శి అనిల్ కుమార్, టెక్నికల్ అసిస్టెంట్ రాంబాబు, వార్డు సభ్యుడు గాంధీ, ఫీల్డ్ అసిస్టెంట్ ఉమామహేశ్వరరావు, గ్రామస్తులు బాబు, పంచాయతీ సిబ్బంది రాందాస్, గణేష్, నంద, రాధా, హేంచంద్, రమేష్ తదితరులు పాల్గొన్నారు.
About The Author
