లోకల్ గైడ్ ఆమనగల్లు, సెప్టెంబర్ 22:
రంగారెడ్డి జిల్లా
ఆమనగల్లు మండలం ఆకుతోటపల్లి గ్రామంలో క్రషర్, మైనింగ్ కార్యకలాపాలను నిలిపివేయాలని డిమాండ్ చేస్తూ గ్రామస్తులు చేపట్టిన నిరాహార దీక్షలు రెండో రోజుకు చేరుకున్నాయి. గ్రామ పరిధిలోని 302, 304 సర్వే నంబర్లలో జరుగుతున్న మైనింగ్ కార్యకలాపాలపై చర్యలు తీసుకోవాలని డిమాండ్ చేస్తూ మంగళవారం ఆమనగల్లు తహసీల్దార్ కార్యాలయం ఎదుట దీక్షలు కొనసాగించారు.
గ్రామంలో క్రషర్, మైనింగ్ కార్యకలాపాల కారణంగా పర్యావరణానికి, ప్రజల ఆరోగ్యానికి ఇబ్బందులు కలుగుతున్నాయని దీక్షా శిబిరం వద్ద గ్రామస్తులు పేర్కొన్నారు. సంబంధిత అధికారులు వెంటనే స్పందించి మైనింగ్ కార్యకలాపాలపై సమగ్ర విచారణ చేపట్టి, నిబంధనలకు విరుద్ధంగా ఉంటే చర్యలు తీసుకోవాలని కోరారు.
ఈ నిరాహార దీక్షలో శ్రీపతి శశిధర్ రెడ్డి, మాజీ కోఆప్షన్ సభ్యులు మహమ్మద్ హాజీ, వార్డు సభ్యులు షేక్ సాజిద్, తెలగామల్ల విజయ్, షేక్ కాజమ్ తదితరులు పాల్గొన్నారు. క్రషర్ కార్యకలాపాలు నిలిచే వరకు తమ ఆందోళన కొనసాగిస్తామని వారు తెలిపారు.
