లోకల్ గైడ్ – ఆమనగల్లు, ఆగస్టు 10:
రంగారెడ్డి జిల్లా మాడ్గుల్ మండల కాంగ్రెస్ పార్టీ అధ్యక్షుడు, ఆమనగల్లు మార్కెట్ కమిటీ మాజీ చైర్మన్ బట్టు కిషన్రెడ్డి జన్మదిన వేడుకలు సోమవారం మాడ్గుల్ మండల కేంద్రంలోని వాసవి ఫంక్షన్ హాల్లో కాంగ్రెస్ పార్టీ నాయకులు, కార్యకర్తలు, అభిమానుల సమక్షంలో ఘనంగా నిర్వహించారు.
ఈ కార్యక్రమానికి ముఖ్య అతిథిగా కల్వకుర్తి ఎమ్మెల్యే కసిరెడ్డి నారాయణరెడ్డి హాజరయ్యారు. ఈ సందర్భంగా ఆమనగల్లు మండల కాంగ్రెస్ పార్టీ అధ్యక్షుడు కసిరెడ్డి శ్రీనివాస్రెడ్డి, మున్సిపల్ అధ్యక్షుడు అవ్వారి శివలింగంతో కలిసి ఎమ్మెల్యే కసిరెడ్డి నారాయణరెడ్డి బట్టు కిషన్రెడ్డిని పూలమాల, శాలువాతో ఘనంగా సత్కరించి జన్మదిన శుభాకాంక్షలు తెలిపారు.
కిషన్రెడ్డి సేవలు ప్రశంసనీయం
ఈ సందర్భంగా ఎమ్మెల్యే కసిరెడ్డి నారాయణరెడ్డి మాట్లాడుతూ.. బట్టు కిషన్రెడ్డి కాంగ్రెస్ పార్టీకి అంకితభావంతో పనిచేస్తున్న సీనియర్ నాయకుడని, పార్టీ బలోపేతం కోసం ఆయన చేస్తున్న కృషి అభినందనీయమని అన్నారు. మాడ్గుల్ మండలంలో పార్టీ కార్యకర్తలను సమన్వయం చేసుకుంటూ, ప్రజలకు అందుబాటులో ఉంటూ వారి సమస్యలను తెలుసుకుని పరిష్కారం కోసం కృషి చేస్తున్నారని కొనియాడారు.
కిషన్రెడ్డి రాజకీయాల్లో పదవులకంటే ప్రజాసేవకే ప్రాధాన్యత ఇస్తూ ముందుకు సాగుతున్నారని, పార్టీ కార్యకర్తలకు ఎల్లప్పుడూ అండగా ఉంటూ వారి సమస్యలను తన సమస్యలుగా భావించే నాయకుడిగా గుర్తింపు పొందారని ఎమ్మెల్యే పేర్కొన్నారు. కాంగ్రెస్ పార్టీ సిద్ధాంతాలను ప్రజల్లోకి తీసుకెళ్లడంలో, ప్రభుత్వ సంక్షేమ కార్యక్రమాలను ప్రజలకు వివరించడంలో ఆయన చేస్తున్న కృషి అభినందనీయమన్నారు.
మార్కెట్ కమిటీ మాజీ చైర్మన్గా పనిచేసిన సమయంలో రైతులు, వ్యవసాయ రంగానికి సంబంధించిన సమస్యలపై స్పందిస్తూ వారి సంక్షేమానికి కృషి చేశారని తెలిపారు. భవిష్యత్తులో కూడా ఇదే స్ఫూర్తితో ప్రజలకు మరింత సేవ చేయాలని ఎమ్మెల్యే కసిరెడ్డి నారాయణరెడ్డి ఆకాంక్షించారు.
కిషన్రెడ్డి ఆయురారోగ్యాలతో నిండు నూరేళ్లు సంతోషంగా జీవించాలని, ప్రజలకు మరింత సేవ చేసే శక్తి, సామర్థ్యాలు ఆయనకు కలగాలని ఎమ్మెల్యే ఆకాంక్షించారు.
జన్మదిన వేడుకల్లో
కల్వకుర్తి నియోజకవర్గం
నుండి కాంగ్రెస్ పార్టీ నాయకులు, కార్యకర్తలు, అభిమానులు పెద్ద సంఖ్యలో పాల్గొని కిషన్రెడ్డికి శుభాకాంక్షలు తెలిపారు. ఈ సందర్భంగా పలువురు నాయకులు మాట్లాడుతూ కిషన్రెడ్డి సేవా దృక్పథాన్ని, కార్యకర్తల పట్ల ఆయన చూపే ఆప్యాయతను కొనియాడారు.
కార్యక్రమంలో కొండల్రెడ్డి, నాజర్, ఎన్ఎస్యూఐ రాష్ట్ర కార్యదర్శి ఫరీద్, శ్రీను నాయక్, గోపాల్ నాయక్ తదితర కాంగ్రెస్ పార్టీ నాయకులు, కార్యకర్తలు, అభిమానులు, మాడ్గుల్ మండల ప్రజలు పాల్గొన్నారు.
.jpg)
