మున్సిపల్ చైర్మన్ పత్య నాయక్, కాంగ్రెస్ పట్టణ అధ్యక్షుడు శివలింగం జన్మదిన వేడుకలు ఘనంగా

లోకల్ గైడ్
ఆమనగల్లు, ఆగస్టు 8 
ఆమనగల్లు మున్సిపల్ చైర్మన్ డాక్టర్ పత్య నాయక్, కాంగ్రెస్ పార్టీ పట్టణ అధ్యక్షుడు అవ్వారి శివలింగం జన్మదిన వేడుకలను కాంగ్రెస్ పార్టీ నాయకులు, కార్యకర్తలు, అభిమానులు ఆమనగల్ పట్టణంలో ఘనంగా నిర్వహించారు. ఈ సందర్భంగా పలువురు నాయకులు, కార్యకర్తలు ఇరువురికి హృదయపూర్వక జన్మదిన శుభాకాంక్షలు తెలిపారు. కేక్ కట్ చేసి సంబరాలు జరుపుకున్నారు.
విద్యార్థుల మధ్య చైర్మన్ పత్య నాయక్ జన్మదిన వేడుకలు
మున్సిపల్ చైర్మన్ డాక్టర్ పత్య నాయక్ తన జన్మదినాన్ని కస్తూరి పాఠశాల విద్యార్థుల మధ్య జరుపుకున్నారు. విద్యార్థులతో కలిసి కేక్ కట్ చేసి, వారితో ఆత్మీయంగా గడిపారు. అనంతరం పాఠశాల ప్రాంగణంలో మొక్కలు నాటారు.
ఈ సందర్భంగా పత్య నాయక్ మాట్లాడుతూ పుట్టినరోజు వేడుకలను కేవలం సంబరాలకే పరిమితం చేయకుండా సమాజానికి ఉపయోగపడే కార్యక్రమాలతో జరుపుకోవడం ఆనందంగా ఉందని అన్నారు. విద్యార్థులు చిన్ననాటి నుంచే పర్యావరణ పరిరక్షణపై అవగాహన పెంచుకోవాలని, ప్రతి ఒక్కరూ మొక్కలు నాటి వాటిని సంరక్షించాలని సూచించారు. పచ్చదనం పెంపొందించడం ద్వారా భవిష్యత్ తరాలకు ఆరోగ్యకరమైన వాతావరణాన్ని అందించవచ్చని పేర్కొన్నారు.
మున్సిపల్ చైర్మన్‌గా పట్టణ అభివృద్ధితో పాటు విద్య, పర్యావరణ పరిరక్షణ, పారిశుద్ధ్యం, ప్రజా సంక్షేమానికి ప్రాధాన్యతనిస్తూ తనవంతు కృషి చేస్తానని పత్య నాయక్ తెలిపారు. విద్యార్థులతో కలిసి మొక్కలు నాటడం ద్వారా పర్యావరణ పరిరక్షణపై ప్రజల్లో, యువతలో అవగాహన కల్పించే ప్రయత్నం చేశారు.
శివలింగానికి శుభాకాంక్షలు
అదేవిధంగా కాంగ్రెస్ పార్టీ ఆమనగల్లు పట్టణ అధ్యక్షుడు అవ్వారి శివలింగం జన్మదిన వేడుకలను కూడా పార్టీ నాయకులు, కార్యకర్తలు ఘనంగా నిర్వహించారు. ఈ సందర్భంగా కేక్ కట్ చేసి శివలింగానికి జన్మదిన శుభాకాంక్షలు తెలిపారు. ఆయన ఆయురారోగ్యాలతో, సుఖసంతోషాలతో నిండు నూరేళ్లు జీవించాలని, కాంగ్రెస్ పార్టీ బలోపేతానికి మరింత సేవలందించాలని నాయకులు ఆకాంక్షించారు.
ఈ కార్యక్రమంలో కాంగ్రెస్ పార్టీ మండల అధ్యక్షుడు కసిరెడ్డి శ్రీనివాసరెడ్డి, హలీం, వెంకటయ్య, పూసల సత్యం, రాజుతో పాటు కాంగ్రెస్ నాయకులు, కార్యకర్తలు, అభిమానులు పాల్గొని పత్య నాయక్, అవ్వారి శివలింగంకు జన్మదిన శుభాకాంక్షలు తెలిపారు.