పాత పెన్షన్ విధానాన్ని పునరుద్దరించాల్సిందే. 

రంగారెడ్డి జిల్లా బ్యూరో, ( లోకల్ గైడ్ ):                  ఉద్యోగస్తుల పట్ల శాపంగా మారిన సిపిఎస్ ను వెంటనే రద్దు చేయాలని తెలంగాణ ఉద్యోగుల సంయుక్త కార్యాచరణ సమితి టిజీఈజేఏసీ రంగారెడ్డి జిల్లా చైర్మన్ యశ్వంత్ కోరారు. మంగళవారం మధ్యాహ్నం భోజన విరామ సమయంలో  కొంగరకలాన్‌లోని రంగారెడ్డి జిల్లా కలెక్టర్ కార్యాలయం ముందు నిరసన ప్రదర్శన నిర్వహించారు. 
ఈ నిరసన కార్యక్రమంలో ఉద్యోగులు,ఉపాధ్యాయులు మరియు పెన్షనర్లు పెద్ద సంఖ్యలో పాల్గొని నినాదాలతో సిపిఎస్ ను రద్దుచేసి ఓ పి ఎస్ ను పునరుద్దరించాలని డిమాండ్ చేశారు. ఈ సందర్బంగా అయన మాట్లాడుతూ సీ పి ఎస్ అనేది ఉద్యోగస్తుల పట్ల శాపంగా మారిందని, ఈ సిపిఎస్ను వెంటనే రద్దుచేయాలని డిమాండ్ చేశారు. రాష్ట్ర ఉద్యోగ జేఏసీ కార్యాచరణలో భాగంగా సెప్టెంబర్ 10వ తేదీన "చలో హైదరాబాద్ " కార్యక్రమాన్నిచేపడుతున్నట్లు తెలిపారు. రంగారెడ్డి జిల్లా నుంచి పెద్ద ఎత్తున ఉద్యోగస్తులు, గెజిటెడ్ అధికారులు, ఉపాధ్యాయులు, పెన్షనర్లు చలో హైదరాబాద్ కార్యక్రమంలో పాల్గొనాలని పిలుపునిచ్చారు.
అదే విధంగా  రంగారెడ్డి జిల్లాటి జీ ఈ జే ఏ సీ కన్వీనర్ డాక్టర్ రామారావు మాట్లాడుతూ సీ పి ఎస్ అనేది చాలా ప్రమాధకరమైనదన్నారు. ఈ ప్రభుత్వం అధికారంలోకి వచ్చిన 6 మాసాల్లో సిపిఎస్ ను రద్దు చేస్తామని చెప్పి ఇప్పుడు ఆ హామీని దాటవేయటం సరైంది కాదన్నారు. 
ఉద్యోగులు, గెజిటెడ్ అధికారులు, ఉపాధ్యాయులు, నాలుగవ తరగతి ఉద్యోగులు, కార్మికులు,  పెన్షనర్లు అందరూ ఐక్యంగా ముందుకు వచ్చి తమ సంపూర్ణ మద్దతును తెలియజేసారు. ఈ కార్యక్రమంలో జిల్లా కో కన్వినర్ శ్రీనేష్ కుమార్ నోరి, కో చైర్మన్లు గోపాల్, ప్రవీణ్, శాంతి శ్రీ, సుధాకర్,రాజేష్, బల్వంత్ రెడ్డి,వైస్ చైర్మన్లు నూతనకంటి వెంకట్, సైదమ్మ, రాకేష్, సెక్రెటరీలు , మాధవ్ , ఆనంద్, మహేష్, ప్రమీల,వెంకటప్ప,పాండు రంగారెడ్డి, కల్పన, జగన్నాథ్ శర్మ,అరుణ,గౌస్, తదితరులు పాల్గొన్నారు.