బెజ్జంకి, ఆగస్టు 9(లోకల్ గైడ్):
బెజ్జంకి మండలం బేగంపేట గ్రామానికి చెందిన సీఆర్పీఎఫ్ హెడ్ కానిస్టేబుల్ బొల్లం సత్తయ్య అనారోగ్యంతో మృతి చెందడంతో మానకొండూరు మాజీ ఎమ్మెల్యే, తెలంగాణ ఉద్యమకారుడు డాక్టర్ రసమయి బాలకిషన్ ఆదివారం ఆయన మృతదేహానికి పూలమాల వేసి ఘనంగా నివాళులర్పించారు.అనంతరం సత్తయ్య కుటుంబ సభ్యులను పరామర్శించి ప్రగాఢ సానుభూతి తెలిపారు. దేశ భద్రత కోసం నిబద్ధతతో విధులు నిర్వహించిన సత్తయ్య సేవలు చిరస్మరణీయమని, ఆయన మృతి కుటుంబ సభ్యులకు తీరని లోటని రసమయి బాలకిషన్ పేర్కొన్నారు. సత్తయ్య ఆత్మకు శాంతి చేకూరాలని, కుటుంబ సభ్యులకు మనోధైర్యం కలగాలని ఆకాంక్షించారు.కార్యక్రమంలో బీఆర్ఎస్ బెజ్జంకి మండల అధ్యక్షుడు మైపాల్ రెడ్డి, సీనియర్ నాయకులు లింగాల లక్ష్మణ్, బెజ్జంకి సర్పంచ్ బొల్లం శ్రీధర్, మాజీ సర్పంచ్ సంజీవరెడ్డి, శ్రీనివాస్ గుప్తా, లక్ష్మారెడ్డి, ఎలా శేఖర్ బాబు, పవన్, పోచయ్య, శంకర్, శ్రీనివాస్ తదితరులు పాల్గొన్నారు.
.jpeg)
