భద్రాచలంలో 18, 19 తేదీల్లో ఎస్‌జీఎఫ్‌ మండల స్థాయి క్రీడా పోటీలు

భద్రాచలం, లోకల్ గైడ్ న్యూస్ (భద్రాద్రి జిల్లా బ్యూరో) :

స్కూల్‌ గేమ్స్‌ ఫెడరేషన్‌ ఆధ్వర్యంలో 70వ మండల స్థాయి క్రీడా పోటీలను ఈ నెల 18, 19 తేదీల్లో భద్రాచలంలో నిర్వహించనున్నట్లు మండల విద్యాశాఖ అధికారి బెక్కంటి శ్రీనివాసరావు తెలిపారు. 18వ తేదీన బాలికలకు, 19వ తేదీన బాలురకు వివిధ క్రీడా పోటీలు నిర్వహించనున్నట్లు పేర్కొన్నారు. ఈ సందర్భంగా స్థానిక మండల వనరుల కేంద్రంలో ప్రభుత్వ, ప్రైవేట్‌ పాఠశాలల ప్రధానోపాధ్యాయులు, శారీరక విద్య ఉపాధ్యాయులు, ఫిజికల్‌ డైరెక్టర్లతో ఎంఈఓ సమీక్ష సమావేశం నిర్వహించారు. మండలంలోని అన్ని పాఠశాలల విద్యార్థులు ఈ అవకాశాన్ని వినియోగించుకొని క్రీడా పోటీల్లో పాల్గొనాలని ఆయన పిలుపునిచ్చారు. క్రీడా పోటీల నిర్వహణకు ఎంఈఓ బెక్కంటి శ్రీనివాసరావు కన్వీనర్‌గా, పీవీ రమణ, ఎస్‌ఎన్‌ఎం, జెడ్పీహెచ్‌ఎస్‌ భద్రాచలం పీడీగా, ఎం. రమేష్‌, పి. సుజాత కో-కన్వీనర్లుగా, రాజా శ్రీనివాస్‌ కమిటీల సమన్వయకర్తగా వ్యవహరించనున్నారు. మండలంలోని పాఠశాలల శారీరక విద్య ఉపాధ్యాయులు, ఫిజికల్‌ డైరెక్టర్లు కమిటీ సభ్యులుగా బాధ్యతలు నిర్వహించనున్నారు. ఈ సమావేశంలో పాఠశాలల ప్రధానోపాధ్యాయులు, ప్రైవేట్‌ పాఠశాలల అసోసియేషన్‌ ప్రతినిధులు, సీఆర్‌పీలు, సీసీహెచ్‌ఓలు, వివిధ పాఠశాలల ప్రధానోపాధ్యాయులు తదితరులు పాల్గొన్నారు.