కాంగ్రెస్ ప్రభుత్వం కళాకారుల బతుకులతో ఆటలాడుతోంది: ఇనుముల రవీందర్

Published On 14 Sep 2026 18:09:14

By Ram Reddy

కాంగ్రెస్ ప్రభుత్వం కళాకారుల బతుకులతో ఆటలాడుతోంది: ఇనుముల రవీందర్

హనుమకొండ జిల్లా ప్రతినిధి,సెప్టెంబర్14
(లోకల్ గైడ్ న్యూస్):

శాసనసభలో సాంస్కృతిక శాఖ మంత్రి జూపల్లి కృష్ణారావు కళాకారులపై కపట ప్రేమ నటిస్తూ కాలయాపన చేస్తున్నారని తెలంగాణ ఉద్యమ అండ్ నిరుద్యోగ కళాకారుల సంఘం హనుమకొండ జిల్లా అధ్యక్షుడు ఇనుముల రవీందర్ మండిపడ్డారు. తెలంగాణ ఉద్యమంలో ప్రాణాలను సైతం లెక్కచేయక ఆటపాటలతో కీలక పాత్ర పోషించిన కళాకారులకు గత బిఆర్ఎస్ ప్రభుత్వం అన్యాయం చేస్తే, కాంగ్రెస్ ప్రభుత్వం కూడా అదే బాటలో నడుస్తోందని విమర్శించారు.
కాంగ్రెస్ మేనిఫెస్టోలో ఇచ్చిన హామీ ప్రకారం తెలంగాణ సాంస్కృతిక సారధిలో 1,000 ఉద్యోగాల భర్తీకి సీఎం రేవంత్ రెడ్డి వెంటనే నోటిఫికేషన్ విడుదల చేయాలని డిమాండ్ చేశారు. ప్రభుత్వం వెంటనే స్పందించి కళాకారుల సంఘం నాయకులతో చర్చలు జరపకపోతే, 33 జిల్లాల కళాకారులతో కలిసి 'చలో రవీంద్ర భారతి' ముట్టడితో పాటు రాష్ట్రవ్యాప్తంగా పెద్ద ఎత్తున ఆందోళనలు చేపడతామని హెచ్చరించారు. ఈ కార్యక్రమంలో
ఉప అధ్యక్షులు
వరికొలు రాజేందర్
ప్రధాన కార్య దర్శి
జన్ను కుమార్
మట్టెడ కవిత
మధు చారి
నక్క సుమన్ లతో పాటు తదితరులు పాల్గొన్నారు.