విద్యుత్ సప్లై లేక.. ఎండిన ఉల్లి నారుమడి

*లోకల్ గైడ్/ తాండూర్:* 

తమ పొలానికి విద్యుత్ సరఫరా లేక ఉల్లినారుమడి ఎండిపోతుందని ఓ రైతు ఆవేదన వ్యక్తం చేశాడు.రైతు తెలిపిన పూర్తి వివరాలు... పెద్దేముల్ మండల పరిధిలోని గిర్మాపూర్ గ్రామానికి చెందిన జైపాల్ నాయక్ అనే రైతు తన పొలం పక్కనే "నాగిరెడ్డి" అనే రైతు తన పొలానికి వెళ్లే దారిలో విద్యుత్తు తీగలు తలకు తాకే ఎత్తులో ఉన్నాయని, గత 6 నెలల క్రితం విద్యుత్ అధికారుల అనుమతులు లేకుండా, విద్యుత్ తీగలను కట్ చేశారు. అప్పటినుంచి తమ పొలానికి విద్యుత్ సరఫరా నిలిచిపోయింది. దీంతో పక్క పొలం రైతు దగ్గర నుండి నీటిని వాడుకుంటూ సుమారు 18 ఎకరాల భూమిలో వివిధ రకాల పంటలను సాగు చేస్తున్నాను. దీంట్లో భాగంగానే ఉల్లిపంట సాగు చేద్దామని, నారుమడి వేశాను. అయితే పక్క పొలం రైతు దగ్గర ఉన్న నీరు సకాలంలో అందక, ఉల్లినారు ఎండిపోతుందని రైతు జైపాల్ నాయక్ ఆవేదన వ్యక్తం చేశారు.ఇందుకు ప్రధాన కారణం గత ఆరు నెలల క్రితం నాగిరెడ్డి అనే వ్యక్తి, తమ పొలానికి విద్యుత్ సరఫరా రాకుండా విద్యుత్ తీగలను కట్ చేశాడు. అప్పటినుంచి విద్యుత్ సరఫరా లేక, పంటలు సాగు చేసుకోలేక తీవ్రంగా నష్టపోతున్నామని ఆవేదన వ్యక్తం చేశారు.ఇందుకు సంబంధించి పలుమార్లు మండల, డివిజన్,అధికారుల దృష్టికి తీసుకెళ్లిన పట్టించుకోవడంలేదని అన్నారు. గత 15 సంవత్సరాల క్రితమే డిడి కూడా కట్టాము. సర్వీస్ నంబర్(ఎల్ 124000016). విద్యుత్ సప్లై లేక ఇప్పటికే ఉల్లినారు ఎండిపోతుంది. ఇప్పటికైనా విద్యుత్ అధికారులు స్పందించి తమ పొలానికి విద్యుత్ సరఫరాను ఏర్పాటు చేయాలని రైతు జైపాల్ నాయక్ విద్యుత్ అధికారులను కోరారు.

 

*మండల విద్యుత్ అధికారి వివరణ.*

తక్షణమే విద్యుత్తు సిబ్బందిని రైతు పొలం వద్దకు పంపించి, సమస్యను పరిష్కరించేందుకు కృషి చేస్తామని తెలిపారు. రైతు ఎలాంటి ఇబ్బందులకు గురి కావద్దని వెంటనే సమస్యకు సంబంధించిన పూర్తి సమాచారాన్ని తెలుసుకొని విద్యుత్ సప్లై ఇస్తామని భరోసా ఇచ్చారు.