అన్నారం రైతుల పంట నష్టంపై మంత్రి వివేక్ వెంటనే స్పందన

 లోకల్ గైడ్ : 

కోటపల్లి మండలం అన్నారం గ్రామంలో ఇటీవల కురిసిన వర్షాల వలన పంట పొలాలు దెబ్బతిన్న రైతులను కార్మిక, మైనింగ్ శాఖ మంత్రివర్యులు డా. జి. వివేక్ వెంకటస్వామి గారు ప్రత్యక్షంగా పరామర్శించారు.

వర్షానికి సైతం లెక్కచేయకుండా, వర్షంలో తడుస్తూ పొలాల్లోకి వెళ్లి పంట నష్టాన్ని పరిశీలించారు.

ఈ సందర్భంగా మంత్రి గారు రైతుల సమస్యలను శ్రద్ధగా విని వారి బాధను పంచుకున్నారు.

జిల్లా కలెక్టర్ కుమార్ దీపక్ గారితో కలిసి నష్టపోయిన ప్రతి ఎకరా పంటను పరిశీలించారు.

పంట నష్టాలపై తక్షణ నివేదిక సిద్ధం చేసి, రైతులకు సహాయం అందించాల‌ని కలెక్టర్‌ను ఆదేశించారు.

పరిహారం విషయంలో ఎటువంటి ఆలస్యం లేకుండా త్వరితగతిన సహాయం అందిస్తామని మంత్రి గారు స్పష్టం చేశారు.

రైతుల జీవనోపాధి కాపాడేందుకు ప్రభుత్వం ఎల్లప్పుడూ కృషి చేస్తుందని హామీ ఇచ్చారు.

రైతు బంధు, రైతు భీమా వంటి పథకాలు కష్టకాలంలో అండగా ఉంటాయని గుర్తుచేశారు.

ప్రభుత్వం రైతుల పక్షాన ఎప్పటికీ నిలుస్తుందని మంత్రి గారు పునరుద్ఘాటించారు.

అన్నారం రైతుల పంట నష్టంపై తక్షణ చర్యలు తీసుకుంటానని మంత్రి వివేక్ వెంకటస్వామి గారు రైతులకు భరోసా ఇచ్చారు.