లోకల్ గైడ్/తాండూర్: యాలాల్ మండల పరిధిలోని కమల్ పూర్ గ్రామంలోని బోయిని కాలనీలో గత నాలుగు నెలలుగా త్రాగునీరు అందక ప్రజలు దాహర్తితో అల్లాడిపోతున్నారు.ఇందుకు సంబంధించి పూర్తి వివరాలు ఇలా వున్నాయి... యాలాల మండలం కమల్పూర్ గ్రామంలోని బోయిని కాలనీలో నాలుగు నెలలుగా తాగునీటి సరఫరా పూర్తిగా నిలిచిపోయింది.దీంతో కాలనీ ప్రజలు నీటి కోసం తీవ్ర ఇబ్బందులతో పూట గడుపు తున్నారు.ప్రతి రోజు దూరప్రాంతాల నుంచి తాగునీరు తెచ్చుకోవడం ప్రజలకు భారంగా మారింది.నీటి కోసం బాటిళ్లు, డబ్బాలతో కిలోమీటర్ల దూరం నడవాల్సి వస్తోందని అసంతృప్తి వ్యక్తం చేశారు.త్రాగునీటి సమస్య గురించి కాలనీ ప్రజలు పలుమార్లు పంచాయతీ కార్యాలయానికి వెళ్లి కార్యదర్శి సంపత్ కుమార్ కి ఫిర్యాదు చేసిన ఇప్పటివరకు ఎలాంటి చర్యలు తీసుకొక పోగా విధులు పట్ల పూర్తిగా నిర్లక్ష్యంగా వ్యవహరిస్తూ ప్రజా సమస్యలను గాలికి వదిలేస్తున్నారు.ఇప్పటికైనా ఉన్నతాధికారులు వెంటనే స్పందించి,నీరు సరఫరా చేసి కమాల్ పూర్ ప్రజల దాహార్తిని తీర్చాలని డిమాండ్ చేస్తున్నారు.
