అఖిల్ ‘లెనిన్’ సినిమా నుంచి శ్రీలీల తప్పుకున్నట్టేనా?

లోక‌ల్ గైడ్

టాలీవుడ్ యువ హీరో అఖిల్ అక్కినేని ప్రధాన పాత్రలో నటిస్తున్న కొత్త చిత్రం ‘లెనిన్’ ప్రస్తుతం ఆసక్తికర చర్చకు దారి తీస్తోంది. రూరల్ బ్యాక్‌డ్రాప్‌లో తెరకెక్కుతున్న ఈ చిత్రానికి మురళీ కిషోర్ అబ్బూరి దర్శకత్వం వహిస్తున్నారు. అన్నపూర్ణ స్టూడియోస్ మరియు సితార ఎంటర్‌టైన్‌మెంట్స్ సంయుక్తంగా ఈ చిత్రాన్ని అక్కినేని నాగార్జున మరియు నాగ వంశీ నిర్మిస్తున్నారు. ఇప్పటికే విడుదలైన టైటిల్ గ్లింప్స్‌కు మంచి స్పందన లభించింది.అయితే తాజాగా ఈ చిత్రానికి సంబంధించి ఓ వార్త హాట్‌టాపిక్‌గా మారింది. మొదట ఈ సినిమాలో కథానాయికగా శ్రీలీల ఎంపికైనట్టు మేకర్స్ అధికారికంగా ప్రకటించినప్పటికీ, ఆమె ఈ ప్రాజెక్ట్‌ నుంచి తప్పుకున్నట్లు సమాచారం.శ్రీలీల ప్రస్తుతం బిజీగా ఉండటం, ముఖ్యంగా హిందీ మరియు తమిళ చిత్రాలకు డేట్స్ కేటాయించడం కష్టంగా మారడంతో ‘లెనిన్’ నుంచి తప్పుకోవాలనే నిర్ణయం తీసుకున్నట్లు తెలిసింది. అయితే ఈ విషయంపై ఇప్పటివరకు చిత్రబృందం నుంచి ఎలాంటి అధికారిక ప్రకటన రాలేదు.ఇక శ్రీలీల వేరుపడితే, ఆమె స్థానంలో కొత్త హీరోయిన్ కోసం చిత్రయూనిట్ పరిశీలనలు ప్రారంభించిందని సమాచారం. ప్రస్తుతం శ్రీలీల పవన్ కల్యాణ్తో 'ఉస్తాద్ భగత్ సింగ్' సినిమాలో నటిస్తుండగా, బాలీవుడ్‌లో కార్తిక్ ఆర్యన్ చిత్రం, తమిళంలో సుధ కొంగరా దర్శకత్వంలో ఓ ప్రాజెక్ట్‌లో కూడా బిజీగా ఉంది.ఇక మిగిలింది చిత్రబృందం నుంచి అధికారిక ప్రకటన రావడమే.