లోకల్ గైడ్ పరిగి : గ్రామం జిల్లాకు చివరి దశలో ఉంది. మహబూబ్ నగర్, రంగారెడ్డి జిల్లాల శివారు ప్రాంతానికి సమీపంగా తుర్క ఎనికేపల్లి గ్రామం ఉందని ఈ గ్రామ ప్రజలు పాలకులకు ఓట్లకే ఉపయోగపడతారు తప్ప అభివృద్ధిలో ఏ మాత్రం కనిపించమని తుర్కఎనికేపల్లి గ్రామానికి చెందిన గ్రామస్తులు, యువత ఎమ్మెల్యే తో విన్నవించారు. పూడూరు మండల బిసి సెల్ ప్రధాన కార్యదర్శి సి.ప్రభాకర్ అధ్వర్యంలో పరిగి ఎమ్మెల్యే టి.రామ్మోహన్ రెడ్డినీ గ్రామ అభివృద్దికి తోడ్పాలని గ్రామస్తులు మర్యాద పూర్వకంగా కలిశారు. ఈ సంధర్బంగా ఎమ్మెల్యేతో వారు గ్రామ సమస్యలను తెలియపరిచారు. గ్రామంలో నూతన పాఠశాల భవన ఏర్పాటుకు సహకరించాలని, అండర్ డ్రైనేజీలు ఏర్పాటు, నూతన విద్యుత్ స్తంభాలను మరమ్మత్తులు చేపట్టాలని కొరారు. అలాగే గ్రామానికీ రోడ్డు సౌకర్యం, కొత్త రోడ్డు మంజూరు చేయాలని గ్రామస్తులు విన్నవించారు. సమస్యలను తెలుసుకున్న ఎమ్మెల్యే గ్రామ సమస్యలను పరిష్కారానికి తన వంతు కృషి చేస్తానని, రానున్న స్థానిక సంస్థల ఎన్నికలలో కాంగ్రెస్ పార్టీకి అండగా నిలవాలని తుర్క ఏనికే పల్లి గ్రామస్తులను ఎమ్మెల్యే కోరారు. ఈ కార్యక్రమంలో సి.ప్రభాకర్ తో పాటు గ్రామస్తులు పాల్గొన్నారు.
