అభివృద్ధి, ప్రజా సంక్షేమమే కాంగ్రెస్ ప్రభుత్వ లక్ష్యం-కాంగ్రెస్ పార్టీ జిల్లేడు చౌదరి గూడెం మండల అధ్యక్షులు చలివేంద్రం పల్లి రాజు. 

జిల్లేడు చౌదరి గూడెం, (లోకల్ గైడ్):

అభివృద్ధి, ప్రజా సంక్షేమమే కాంగ్రెస్ ప్రభుత్వ లక్ష్యమని కాంగ్రెస్ పార్టీ జిల్లేడు చౌదరి గూడెం మండల అధ్యక్షులు చలివేంద్రం పల్లి రాజు అన్నారు. బుధవారం ఎల్కగూడెంలో రూ. 5 లక్షలతో చేపట్టే సీ సీ రోడ్డు పనులను గ్రామ సర్పంచ్ ఇతర గ్రామ పెద్దలు, కాంగ్రెస్ పార్టీ నాయకులతో కలసి ప్రారంభించారు. ఈ సందర్బంగా అయన మాట్లాడుతూ... గతం లో ఏ ప్రభుత్వం చేయని సంక్షేమ పథకాలను కాంగ్రెస్ ప్రభుత్వం అధికారం లోకి వచ్చాక ముఖ్య మంత్రి రేవంత్ రెడ్డి అమలు చేస్తున్నారని తెలిపారు. సంక్షేమ పథకాలతో పాటు ఊహించని అభివృద్ధి పనులను చేస్తున్నాడన్నారు. స్థానిక ఎమ్మెల్యే వీర్లపల్లి శంకర్ ప్రత్యేక చొరవ తీసుకోని నియోజకవర్గం అభివృద్ధికి కోట్ల రూపాయలను నిధులను
మంజూరు చేయటం జరిగిందన్నారు. అదే విధంగా గ్రామ సర్పంచ్ చాకలి బంధయ్య మాట్లాడుతూ గ్రామంలో నెలకొన్న ప్రతి సమస్యను ఎమ్మెల్యే శంకర్ అన్న సహకారంతో దశల వారిగా పరిష్కరించేందుకు కృషి చేస్తానన్నారు. బోయ ఈదైయ్య ఇంటి నుంచి చిటుకూరి నవాజ్రెడ్డి ఇంటి వరకు సిసి రోడ్డు వేయటం జరుగుతుందన్నారు. గ్రామం లో అభివృద్ధి కోసం అహర్నిశలు కృషి చేస్తున్న సర్పంచ్ ని లోకల్ గైడ్ దినపత్రిక ఎడిటర్ చిల్కమర్రి రాంరెడ్డి అభినందించారు. ఈ కార్యక్రమంలో మార్కెట్ కామిటీ డైరెక్టర్ వెంకట నర్సింహా రెడ్డి, కాంగ్రెస్ పార్టీ నాయకులు, వార్డు సభ్యులు, గ్రామ పెద్దలు పాల్గొన్నారు.