రోడ్డు భద్రత ప్రతి ఒక్కరి బాధ్యత.

 మిర్యాలగూడ జనవరి 21
( లోకల్ గైడ్ తెలంగాణ)

వాహనాలను నడిపేటప్పుడు ప్రతి ఒక్కరు జాగ్రత్తగా ఉండాలని, మన అజాగ్రత్త మనకే కాక ఇతరులకు కూడా ప్రమాదాలను కలిగిస్తుందని, కనుక రోడ్డు భద్రత ప్రతి ఒక్కరి బాధ్యత అని మిర్యాలగూడ వన్ టౌన్ ఏ ఎస్ ఐ శ్రీనివాస్ అన్నారు. రాష్ట్ర ప్రభుత్వం ప్రతిష్టాత్మకంగా నిర్వహిస్తున్న అరైవ్  అలైవ్ రోడ్ సేఫ్టీ కాంపెయిన్ - లో భాగంగా డీ.జీ.పీ. బి. శివధర్ రెడ్డి, నల్గొండ ఎస్. పి. శరత్ పవార్   ఆదేశాల మేరకు
కె ఎన్ ఎం ప్రభుత్వ డిగ్రీ కళాశాల  ప్రిన్సిపల్ మల్గిరెడ్డి భీమార్జున రెడ్డి అధ్యక్షతన ఎన్.ఎస్.ఎస్. యూనిట్ 1  2 ఆధ్వర్యంలో  రోడ్డు భద్రతపై అవగాహన కార్యక్రమం నిర్వహించారు. విద్యార్థినీ విద్యార్థులు రోడ్డు భద్రత పట్ల అవగాహన పెంచుకొని ప్రమాదాల బారిన పడకుండా తమ ప్రాణాలను ఏ విధంగా కాపాడుకోవాలో  తెలియజేసారు. ఇటీవల కాలంలో రోడ్డు ప్రమాదాల ద్వారా అనేకమంది  మృతి చెందుతున్నారు.  కనుక ప్రతిఒక్కరు ఈ  విషయాన్ని గమనించి  రోడ్డు భద్రతా చర్యలను పాటిస్తూ ప్రమాదాల బారిన పడకుండా జాగ్రత్తలు తీసుకోవాలని  అవగాహన కల్పించారు. సెల్ ఫోన్ మాట్లాడుతూ, లైసెన్స్ లేకుండా వాహనాలను నడపవద్దని తెలియజేసారు. ఈ  కార్యక్రమంలో కళాశాల ప్రిన్సిపాల్  మాట్లాడుతూ మన అజాగ్రత్త వల్ల కుటుంబాలు వీధిన పడే అవకాశం ఉందని, నేటి యువత  అతి వేగంతో, బాధ్యతా రాహిత్యంతో  వాహనాలను నడిపి ప్రాణాలు పోగొట్టుకుంటున్నారని, కనుక హెల్మెట్, సీట్ బెల్ట్ తప్పనిసరిగా పెట్టుకోవాలని సూచించారు.
ఈ కార్యక్రమంలో  పోలీస్  సిబ్బంది బాష్యానాయక్, గోపమ్మ, హుస్సేన్, సైదులు కళాశాల అధ్యాపక అధ్యాపకేతర సిబ్బంది విద్యార్థినీ విద్యార్థులు పాల్గొన్నారు.