నూతన జిజిహెచ్ నిర్మాణం  స్పోర్ట్స్ వసతుల అభివృద్ధిపై కలెక్టర్ ప్రత్యేక దృష్టి

లోకల్ గైడ్ /సంగారెడ్డి: 

సంగారెడ్డి,   జిల్లాలో ఆరోగ్య సేవలను మరింత మెరుగుపరచే లక్ష్యంతో నిర్మించబడుతున్న 273 కోట్ల విలువైన నూతన ప్రభుత్వ జనరల్  ఆసుపత్రి భవనం నిర్మాణ పనులను జిల్లా కలెక్టర్   పి ప్రావీణ్య గురువారం ఆకస్మికంగా పరిశీలించారు.సంగారెడ్డి జిల్లా కేంద్రంలోని జిజిహెచ్ ఆసుపత్రి నిర్మాణ పనులు , మెడికల్ కళాశాల  లో స్పోర్ట్స్  పనులను సమీక్షిస్తూ అధికారులను పలు సూచనలు చేశారు.
ఈ సందర్భంగా కలెక్టర్  మాట్లాడుతూ, నిర్మాణ పనుల్లో త్వరితగతిన పూర్తి అయ్యేలా చర్యలు  తీసుకోవాలని ఇంజనీరింగ్ అధికారులను ఆదేశించారు . పాత భవనం లోఉన్న  వంద పడకలను ,  టీ–హబ్బు ను  రిలొకేట్ చేసి భవన నిర్మాణ పనులను వేగవంతం చేయాలన్నారు . అనంతరం  మెడికల్ కళాశాలలో జరుగుతున్న క్రీడా అభివృద్ధి పనులను కలెక్టర్ పరిశీలించారు. సిఎస్ఆర్ నిధులతో నిర్మాణం జరుగుతున్న ఈ స్పోర్ట్స్ సదుపాయాలను మూడు నెలల్లోపు పూర్తిచేసి విద్యార్థులకు అందుబాటులోకి తేవాలని సంబంధిత అధికారులను ఆదేశించారు.  విద్యార్థుల శారీరకాభివృద్ధికి, ఆరోగ్య పరిరక్షణకు, క్రీడా ప్రతిభ పెంపొందించడానికి ఈ సదుపాయాలు ఎంతో దోహదపడతాయని తెలిపారు. జి జి హెచ్ లోని యూడీఐడి వార్డు ను  కేన్సర్ డే కేర్ సెంటర్‌ను కూడా కలెక్టర్ ప్రత్యేకంగా పరిశీలించారు.  ప్రజలకు మెరుగైన వైద్య సదుపాయాలు అందించాలని వైద్యాధికారులకు ఆదేశించారు . జిల్లాలో  వైద్య సేవల స్థాయిని మరింత ఉన్నతంగా తీసుకెళ్లేందుకు విభాగాలు సమన్వయంతో  విధులు నిర్వహించాలని వైద్యాధికారులకు కలెక్టర్ సూచించారు. నిర్మాణ పనుల్లో నాణ్యత పాటిస్తూ, నిర్ణీత కాలానికి పూర్తి అయ్యేలా చర్యలు తీసుకోవాలని ఇంజనీరింగ్ అధికారులను కలెక్టర్ ఆదేశించారు.
ఈ కార్యక్రమంలో జిల్లా వైద్యాధికారి డాక్టర్ వసంతరావు, జిజిహెచ్ సూపరింటెండెంట్  డాక్టర్ మురళీకృష్ణ, సంబంధిత ఇంజనీరింగ్ అధికారులు,  సిబ్బంది తదితరులు పాల్గొన్నారు.