మర్లబాయి తండా లో సీఎంఆర్ఎఫ్ చెక్కు అందజేత

మిడ్జిల్ ఫిబ్రవరి 24 (లోకల్ గైడ్ ):

మిడ్జిల్ మండలం పెద్దగుండ్ల తాండ గ్రామపంచాయతీ  మర్లబాయి తాండ  లో ప్రభుత్వం పేద ప్రజల సంక్షేమం కోసం మంజూరు చేసిన ముఖ్యమంత్రి సహాయ నిధి  చెక్కును మంగళవారం గ్రామానికి చెందిన జరుపుల అలివేలు కి ప్రభుత్వం మంజూరు చేసిన రూ.46,000 విలువైన చెక్కును గ్రామ సర్పంచ్ రాజు నాయక్  ఉప సర్పంచ్ శ్రీను నాయక్ చేతుల మీదుగా అందించారు.ఈ సందర్భంగా ఏర్పాటు చేసినకార్యక్రమంలో గ్రామ పెద్దలు, ప్రజలు పాల్గొన్నారు. ఉప సర్పంచ్ శ్రీను నాయక్ మాట్లాడుతూ, ఎమ్మెల్యే అనిరుద్ రెడ్డి  పేద ప్రజల సమస్యలను గుర్తించి వెంటనే స్పందిస్తూ, అవసరమైన సహాయ సహకారాలు అందిస్తున్నారని తెలిపారు. పేదల సంక్షేమమే తమ ప్రభుత్వ ప్రధాన లక్ష్యమని, అర్హులైన ప్రతి కుటుంబానికి ప్రభుత్వ పథకాలు చేరేలా కృషి చేస్తామని పేర్కొన్నారు.
సర్పంచ్ రాజు నాయక్ మాట్లాడుతూ, గ్రామ ప్రజలు ప్రభుత్వ పథకాలపై అవగాహన పెంచుకుని అర్హత ఉన్నవారు లబ్ధి పొందాలని సూచించారు. గ్రామ అభివృద్ధి  ప్రజల సంక్షేమం కోసం తాము నిరంతరం కృషి చేస్తామని తెలిపారు.
ఈ కార్యక్రమంలో మాజీ వార్డ్ మెంబర్ శంకర్ నాయక్, కుమార్ నాయక్, రెడ్యా నాయక్, వాస్య నాయక్, భీమ్లా, చందు, దేవుల, రమేష్ తదితరులు  పాల్గొన్నారు.